朱智賢談偷食黎振燁始末：自己白痴信佢分居 背謝東閔出軌淚揭分手內幕稱「好愛佢」

前TVB女星朱智賢（Ashley）六年前背著男友謝東閔，搭上有婦之夫黎振燁，導致形象受損影響事業，最終在2023年底離巢TVB，尋求外闖機會。今日（10日）HOY節目《九運會客室2》播出，朱智賢亮相接受主持伍詠薇與李凱賢（Brian）訪問，重提當年「偷食蛋糕事件」。她坦承自己當年「白痴」誤信黎振燁聲稱分居的謊言，並首度揭開與謝東閔糾纏八年、最終走向分手的內幕與體會。節目中，她更被堪輿學家唐碧霞指出是典型「渣男磁石」，極易吸引不專一的男士。

朱智賢拍劇撻著人夫黎振燁

朱智賢在2020年與有婦之夫黎振燁因合作劇集《食腦喪B》擦出愛火，二人上山在車廂密會「食蛋糕」被當場捕獲，鬧出桃色風波。主持伍詠薇在節目中質疑，當年朱智賢與謝東閔一同召開記者會，效果其實「完全幫唔到手」，反而像證實了偷食事件。朱智賢坦言，當時自己感到無助與慌亂：「當時其實自己個人好亂、好慌，完全唔識得點處理，同埋你會blank咗。公司叫你做咩你就會做，你只會點頭去跟住做。」

她透露，當時在記者會上獲得謝東閔出言維護，以及她自己的簡短道歉，全是由公司策劃與安排。公司當時認為「不宜多言」，才交由謝東閔主導。朱智賢直言：「其實我當時根本唔想開（記者會），因為出到去，我都唔知自己應該要講啲咩。」

相關閱讀：前TVB「咪神」朱智賢大派福利 黑色深V內衣配超短熱褲「上下失守」 晒白滑長腿陷走光邊緣

相關閱讀：前TVB背妻偷食渣男現身大球場做保安   身形消瘦跟「綠葉王」搵食   笑容滿面開工獲網民讚：真係靚仔

朱智賢透露黎振燁乘虛而入 聽信分居謊言

回憶與黎振燁的發展始末，朱智賢哽咽表示，當時與謝東閔的關係正處於惡劣低潮期，黎振燁的出現正好「乘虛而入」：「當時我同佢（謝東閔）關係真係好差，呢個係事實。我個人長期處於好低 energy嘅狀態，好想有啲嘢balance返我嘅人生。人好得意，容易被令你開心嘅嘢吸引過去。」

朱智賢透露，黎振燁察覺她過得不開心便主動接近。雖然她一開始就知道對方已婚，也明白是不對的，但最終還是聽信了對方的謊言：「佢同我講話佢同太太分緊居，搬返去媽咪度住。只可以怪自己白痴相信囉，係我自己有問題，我啲 friend都成日話我咁容易信人。」她坦言曾試過「煞車」，要求黎振燁「處理好所有事情」才發展，但最後在脆弱與缺乏安全感之下，依然深陷進去。

相關閱讀：朱智賢澄清凸肚腩非懷孕 爆40歲年紀大難控制體重：有朋友差啲留言恭喜

朱智賢偷睇謝東閔手機

朱智賢首度披露與謝東閔的八年情，其實早已亮起紅燈，自己曾因安全感盡失，而偷看謝東閔的手機。朱智賢憶述二人原本非常甜蜜，但隨著某些事情發生後，所以有所改變：「我開始變到無乜安全感，對佢無咗個信任喺度，佢做任何嘢，我都覺得唔知佢去咗邊度嘅。」朱智賢承認當時因搵不到人曾經發癲，疑神疑鬼猜測對方去了哪裡。

朱智賢指女人的第六感非常敏銳，當時開始察覺到另一半的日常習慣出現微妙改變，例如經常不見人、總是推搪沒有空：「我得閒就Check電話，Check佢乜、Check佢物，乜都 Check呀我？」雖然朱智賢內心不斷掙扎，極力說服自己要尊重隱私「唔好睇對方電話」，但最後仍忍不住偷看對方的電話，進而證實自己的猜疑，在謝東閔挽留下，二人拖拖拉拉多年。

相關閱讀：前TVB小花偷食打爛一手好牌  「低胸到肚臍」胸前春光任睇  抬白滑大腿陷走光邊緣

朱智賢：我好愛謝東閔

在「蛋糕事件」後，男友謝東閔大方原諒，並陪伴朱智賢走出低谷，但兩人私底下難免存有隔閡。被問到既然關係不舒服，為何仍能維持八年？朱智賢眼眶泛紅表示：「得一個原因，因為我真係好愛佢。我睇返自己咁多年，我係好愛呢個人，我先會留喺佢身邊咁多年。」然而，在經歷長期的拉扯後，兩人最終在2024年11月宣布分手。

經歷這段長跑後，朱智賢對愛情有了新體悟：「我學到嘅道理就係，以後如果將來再遇到好愛好愛嘅人，我覺得唔適合嘅話，真係要狠心。覺得唔對路或者有問題，幾愛都真係要斷。我唔係一個好『斷捨離』嘅人，因為我唔捨得、我繼續，而最後受傷嘅，其實只有自己。」

相關閱讀：朱智賢街頭仆親爆缸冇人幫 自認戀愛腦擇偶唔睇條件

朱智賢經一事長一智 停工期積極增值

回想起當年的感情風波，朱智賢承認自己在處理感情問題上很不成熟，形容這是一次沉痛但寶貴的教訓：「我一定係做錯咗嘅，喺呢件事上面，我覺得自己處理感情方面嘅問題係好差嘅，可以話『經一事長一智』。經過呢件事之後，我發覺自己領悟咗好多好多道理，知道有啲嘢係唔可以勉強，有啲嘢係要搞得清清楚楚。錯就要認，打就要企定。我唔會去俾任何藉口去解釋，錯就係錯，最緊要唔好重蹈覆轍。」

當年因為桃色醜聞，朱智賢的演藝事業遭受重創，原本接下的多部新劇一夜間被抽走，更迎來長達一年的「雪藏期」：「我等咗拍劇呢個機會，其實我等咗好耐。」面對前途的未知數，朱智賢當時選擇積極增值，在停工的一年間跑步、行山，並報讀了營養學文憑。

相關閱讀：「世紀賤男」黎振燁靠老婆支撐成頭家 經濟零壓力決再戰娛圈 避談與朱智賢「訂情」劇：不忘教訓

朱智賢八字被批「渣男磁石」 擇偶抗拒宅男

節目中，堪輿學家唐碧霞看過朱智賢的八字後，斷言她擁有「渣男磁石」命格，極易吸引花心的男性。唐師傅分析，這與朱智賢挑選男人的眼光及夫妻宮命格有關，因為她偏好外表優雅、帥氣、懂得甜言蜜語且幽默的男性，而朱智賢亦承認自己確實抗拒宅男。

最後，主持Brian問她一個「二選一」的假設性問題：「如果有一個好靚仔、有錢、專一又好錫你同屋企人嘅對象同你結婚，但代價是以後無得再拍劇，你會點揀？」朱智賢毫不猶豫地表示：「唔會變心？咁我揀嫁嗰個好過。」

相關閱讀：朱智賢分手2年仍被狙擊 被轟「不懂珍惜謝東閔」 親身反擊爆分手真相？