沙田麵店獲Foodie力捧遭網民質疑賣廣告店方無奈呼籲「求放過」：只係普通街坊麵店

更新時間：16:38 2026-10-26 HKT
發佈時間：16:38 2026-10-26 HKT

隨著社交平台興起，人人都可以化身美食家發表食評，網上更湧現大批美食博主及「Foodie」。不過，由於難以分辨是「真食評」還是餐廳廣告，網民對這類推介帖文的信任度已大不如前。近日，有「Foodie」帳戶在Threads發文，推介一間位於沙田區的麵店，形容其為「必食」、「沙田無人不知嘅人氣小店」。然而，帖文意外引起爭議，大批網民質疑是「收錢賣廣告」，後來店家更現身留言澄清「求放過」，「開店以來從來冇俾錢賣過任何廣告，求foodie放過。」即看下文了解詳情。

Foodie推介「必食」沙田小店網民質疑店方賣廣告：係咁搵打手入場刷流量

近日，有「Foodie」帳號在Threads發文，力推沙田區一間麵店，稱其為「沙田無人不知嘅人氣小店」，並大讚滷蘿蔔芯「勁有誠意，必食」。不過，帖文一出即惹來不少網民反感，有網民認為店家「名過其實」，「唔覺好食到要特登走過去食」、「其實呢間嘢真係好普通……唔難食但真係冇好好食，唔係住附近嘅人完完全全冇必要去試」；也有網民質疑是宣傳廣告，「要係咁搵打手入場刷流量，我喺河畔食咁多年嘢未見過有一間學佢咁狂賣廣告」、「咩事，呢個星期打手特別多。」

店方現身留言「求放過」：從來冇俾錢賣過任何廣告

面對網民的質疑，該名Foodie多次留言澄清並無收取任何廣告費，純粹是剛好在附近才光顧，「我無廣告費收嘅，咁啱喺附近，醒起佢先過去食。」店家也在留言區現身澄清，稱他們只是一間普通的街坊麵店，強調從未在社交平台投放廣告，「本店嘢食並無特別，只係普通街坊麵店，開店以來從來冇俾錢賣過任何廣告，求foodie放過。」

店家「求放過」言論一出，引起不少網民熱烈討論：「求Foodie放過，笑死」、「foodie推薦彷彿閻王點卯」、「班foodie吹到大一大，食客反而期望大咗對餐廳真係無好處」、「連啲店舖都怕咗班foodie」；也有不少網民欣賞店家的做法，「欣賞店主心水清」、「明白㗎，比foodie吹大左，真是超麻煩，好頭痕……尤其老實小店，老板加油撐住」。

另一方面，不少街坊食客認為小店出品不俗，「我住喺隔離，剛開業原本我都冇乜期待，但食過之後覺得值得支持」、「真街坊，住附近一星期會食一兩次，口味嘅嘢好個人，但由開業至今見住小店不斷改良餐單，同街坊客人又有好好關係，就知係用心做好本業嘅餐廳」；也有人笑言：「求吓大家唔好去，留返畀我地街坊食」。

圖片及資料來源：Threads

文：Y