大衛施華·港超聯｜何振廷對位大衛施華感差距 司徒文俊特意制定戰術限制對方
更新時間：18:46 2026-11-07 HKT
發佈時間：18:46 2026-11-07 HKT
發佈時間：18:46 2026-11-07 HKT
字體大小
港超聯今日焦點必然是傳奇球星大衛施華（David Silva)「一場限定」，復出代表至尊沙田鬥標準流浪，最終雙方戰成1:1作結，今場流浪中場何振廷亦頻繁和施華交手，他賽後指親身感受到世界級的水平，而主教練司徒文俊也表示有刻意制定戰術應對。
何振廷讚嘆大衛施華世界級技術
今仗至尊沙田在下半場憑大衛施華主射12碼得手，為球隊打開記錄，但流浪在65分鐘憑伊巴謙扳平，雖然沙田其後兩黃一紅被逐，但兩軍最終再未有進帳以1:1戰平。而今仗多次和大衛施華交手的何振廷賽後表示機會相當難得，並表示：「我覺得佢真係好勁，因為都有埋身啦，佢都好有力，同埋佢攞波都埋唔到佢身，佢踢得好聰明同好穩陣，佢噉樣踢已經令到我哋好辛苦，所以世界級就真係世界級。」被問到會否刻意收腳時，振廷則表示當他普通球員所以不會刻意收腳，但很多時未埋到身他就已經傳出。
司徒文俊則表示球隊上半場入局較慢，因此早段一度受壓。攝影：魏國謙
司徒文俊特意制定戰術限制大衛施華。攝影：魏國謙
司徒文俊戰術傾斜限制大衛施華
而主帥司徒文俊則表示球隊上半場入局較慢，因此早段一度受壓，但下半場經調動後攻守亦更平衡，今戰大衛施華控球在腳時流浪會以多人夾擊招呼他，被問及戰術是否有刻意針對他時，司徒則直指：「當然有，始終有一個世界級嘅球員喺度，我哋喺個比賽嘅計劃入面我哋唔能夠畀佢有太多空間。如果我哋唔係有啲部署去限制佢一啲空間或者踢波嘅情況嘅話，咁其實佢可以做嘅嘢一定會更加多。」
提到12碼的判決，司徒則說不會考慮這個罰球應不應該出現，而是會想為何會有機會出現：「我覺得嗰球完全可以避免，其實我哋當時球員搶到最好可能係踢出去，而唔係俾人有機會搶返，我反而會去諗點樣去避免，而唔係投訴係唔係應該12碼。」流浪目前九戰一勝兩和六負排第九，被問及對之後賽季的期望，司徒坦言攻守兩端有改善，但仍需加強亦希望可以減少失誤。
記者/攝影：魏國謙
最Hit
