做男人做到0尊嚴 遊日做錯一事遭惡妻當眾掌摑 港男死忍15年決心離婚 網民：家暴一次都嫌多｜Juicy叮
發佈時間：10:46 2026-09-18 HKT
有港男在網上訴苦，慨嘆自己「做男人做到 0 尊嚴」，憶述早前到日本旅行時，因為做了一件事而遲到，在岳父岳母面前慘遭妻子當眾狠狠掌摑。
這一巴掌似乎打醒了他，讓他死忍 15 年後終於心死決定離婚，大批網民痛斥惡妻暴力，提醒「家暴一次都嫌多」。詳情見下圖及下文：
做男人做到0尊嚴 遊日做錯一事遭惡妻當眾掌摑 港男死忍15年決心離婚 網民：家暴一次都嫌多逐張睇↓↓↓↓
15 年婚姻一巴粉碎
樓主早前在社交平台 Threads發帖，細訴這段充滿血淚的婚姻生活。他透露在旅行期間，為了以防萬一而獨自外出找油站入油，期間因第一個油站入不到，尋找第二個油站而「遲咗15分鐘返到酒店」。
樓主向妻子解釋原因，卻換來對方當眾「一巴打埋嚟」，更被對方指責「做埋啲無謂嘢」。
雖然樓主當時沒有還手，但妻子卻一直「話佢阿爸阿媽等到好肚餓，問我係唔係咁急要入油」。
樓主表示，15年婚姻裏發生過好多類似事件，以前以為「耐性可以改變到對方」，最後卻驚覺兩人根本「係兩個世界嘅人」。
他直言自己「身心都好攰」，提醒自己「要醒喇，我會慢慢走出呢段 15 年婚姻」。
網民痛心男兒尊嚴被粉碎
網民在留言區替樓主抱不平，提醒「家暴一次都嫌多」。網民一面倒力勸樓主「快啲離婚吧」、「離婚係最好嘅選擇」以及「基本上都無乜需要留戀，離婚啦」。
網民感嘆這段關係根本沒有尊重，直言「佢冇尊重過你」，甚至嘲諷樓主在妻子眼中如同「ATM（自動櫃員機）加工人」，簡直「衰過做阿四，去個旅行都要受氣真係咪搞」。
有網民也感到相當心痛，直言「我諗你老母一定好心痛，諗都冇諗到自己生出嚟嘅仔竟然畀人兜巴星」，並勸勉樓主「唔好忍啦，鬱出病啊」。
不少人也提醒樓主，如果遇到暴力必須看清事實，直言「文字間我睇到有聲有畫面，仲要捱埋個 Trip（旅行）返香港，呢種關係無得將就或幻想會變好，分開係唯一解決嘅方法」。
網民教路自救
有網民建議樓主，回到香港後應「買定 Cam（閉路電視）影低平時佢嘅罪證」，為離婚做好法律準備，指出「唔願意尊重伴侶，好難一齊過世」。
有網民則分析指對方可能仗著家世橫行，指「你老婆外家一定係好有錢」，也有人調侃「一係你放你老婆張相嚟睇下係咪好索，如果唔係點會忍到」。
網民認為有一啲刻刻薄薄的人越忍讓就越「得寸進尺」，勸樓主早日抽身，直言「成世人咁長，唔好對自己咁差」。
不過也有網民抱持不同意見，認為雙方「溝通好重要」，指出「你同佢都唔會改變，佢底線係咩先，有冇了解過，你又有冇講你條底線係咩呀」。
資料來源：kwlui0310＠Threads
相關閱讀：
晚年婚姻危機 72歲大叔呻活得冇尊嚴想分身家離婚 老妻願「做一事」求和解
抱子夫港鐵遭妻打至蹲地抱頭 護子防被搶走遭多次擊打頭部 港鐵回應後續處理
旺角渣男黐飲黐食 街頭遭女友狂數：「我使乜尊重你！」軟飯男居然咁回應
