唔該都無句「老馮怪」橫行 順手Hold門港男聽到呢句舒服晒 網民護送有禮婆婆 每過馬路堅持咁做｜Juicy叮
發佈時間：13:00 2026-09-27 HKT
在唔該都無句的「老馮怪」橫行下，有港男指，在街頭「順手 Hold（拉住）門」時，會因為聽到一句說話而「舒服晒」，引爆全網共鳴。有網民順道分享護送有禮婆婆時，對方「每過馬路竟堅持咁做」的超暖心奇遇。詳情見下圖及下文：
唔該都無句「老馮怪」橫行 順手 Hold 門港男聽到呢句舒服晒 網民護送有禮婆婆 每過馬路堅持咁做逐張睇↓↓↓↓
街頭舉手之勞
樓主昨天（26日）在社交平台 Threads發帖，大談自己微妙的心聲：「有時喺條街度幫手例如 Hold住道門，聽到句 Thank You（謝謝），嗰秒真係好舒服，有冇人明？」
這番溫暖的日常分享，獲不少同路人附和，留言直呼「完全明！」、「十分同意」、「明！即刻舒服」、「明，會暗爽，助人為樂」。
網民對此大有共鳴，有人直言：「我會講唔該晒。」也有人指這種正能量十分重要：「人間多點善，非常好。」也有感性的網民留言稱「善意得到回應，係幾開心嘅」，大讚願意主動開門的人「肯 Hold住道門，一定係善良嘅人」。
更有人表示，即使對方真的沒有開口道謝，自己依然會堅持善良：「明解呀，但即使人哋唔講唔該，我都接受，只要過到自己。」
護送過馬路婆婆「狂講唔該」
有網民則大方分享自己的暖心經歷，透露曾經「試過送婆婆返屋企，行咗 15 分鐘，每過一條馬路講一次唔該同多謝」。
也有人深有同感表示：「當我需要嘅時候有人幫我開門，真係好窩心，有冇人明？」。另外，有網民誇獎那些願意在街頭伸出援手的無名英雄：「追巴士，然後 Hold住架巴士，直頭係大聖人！」
網民：最憎人夾硬攝
不過，在溫馨氣氛之餘，這宗熱話也成為了網民大吐苦水、控訴「老馮怪」的宣洩口。不少熱心人細數日常幫忙 Hold門時，最常遇到令人氣憤的無禮行徑。
有網民大罵：「真！最憎就係幫佢開門，多謝都冇句都算，仲好似好得戚咁老馮咁！」也有網民大嘆：「其實係好基本嘅禮貌，但後來發覺原來好多人都無，尤其係帶住細路/推住 BB 車嗰啲，老馮咁。」
更有苦主分享最心寒的遭遇：「淨係試過開道門畀自己過，點知對面嗰個攝咗過嚟先，仲要唔該都冇聲。」
面對這些「奉旨」享受別人善意的自私精，有網民怒稱：「我明，但同時對於明明係開門畀個老人家或者細路仔，但係冇啦啦畀人攝咗嚟，仲要唔該都冇句，就會好嬲！」
也有人指出：「唔單止唔 Say Thank You（說謝謝），依家啲人直情老馮等你推門，然後佢就貼住你過，或者攝喺你面前鼠入嚟。」
資料來源：iwantyoutoknowiamnotabadperson＠Threads
相關閱讀：
住日本5年回流香港 飽受禮待反愛港式服務？ 港女嫌日本少一點「活人感」 網民：香港係人情味
有禮婆婆開口求讓座 打工仔一句反擊引爆車廂道德戰 難頂全車無聲審判最終屈服 網民：人情味去咗邊
