30歲仔移日7年呻活成「奴隸」 網民：去英國咪一樣人離鄉賤 外國生活最致命一擊竟然係……｜Juicy叮
發佈時間：11:13 2026-10-17 HKT
一名父母為港人、在美國出生長大的 30 歲男子，移民日本 7 年兼取得永住權，原以為可以落地生根，怎料驚覺自己在日本社會眼中只是一個「無價值嘅奴隸」。
網民深有共鳴，有人乘機感嘆去英國咪一樣人離鄉賤，並直言外國生活最能摧毀意志的「最致命一擊」，竟然是這件事……詳情見下圖及下文：
30歲仔移日7年呻活成「奴隸」 網民：去英國咪一樣人離鄉賤 外國生活最致命一擊竟然係……逐張睇↓↓↓↓
樓主：朋友住兩三年就走晒
樓主昨天（16日）在社交平台 Threads 發帖大吐苦水，指自己赴日 7 年取得永住權，卻越活越窒息：「初初嚟日本嗰陣，覺得樣樣嘢都好新鮮。但喺日本住咗7年，拎埋永住，而家反而覺得自己喺日本社會眼中只係一個冇價值嘅奴隸。身邊應該冇乜人會明我呢種感受，啲朋友個個住咗兩三年就走晒。」
貼文引發網民共鳴，直言日本職場與社會文化對外人不友善，往往令人「打退堂鼓」。有網民點出公司欺壓外地人的心態：「because（因為）人哋睇死你唔會走，我指離開公司。」
日本好玩唔好住 玩就輕鬆住就陰功
大批網民指出，樓主面臨的落差在於分不清「旅遊」與「生活」的分別：「所有嘢都有蜜月期，好多人只係用『旅遊嘅日本感受』然後就衝動地去咗日本長住。」
亦有人指，「去旅行玩10日8日，甚至乎2~3個月，你都一定開心，因為你係去使錢，每日淨係諗去邊度食嘢、影相、夾公仔，每日淨係諗娛樂，點會唔開心😂但係當你正式住落要諗生活，要搵錢，要交稅，就係另一個故事。」
網民大嘆這種幻滅實屬正常：「正常呀，未長期住過日本都聽唔少嗰種社會生存嘅壓抑，係旅行先覺得正，有個距離先保留到對佢嘅憧憬」、「日本好玩唔好住」、「玩就輕鬆，住就陰功」、「根本日本一向都係唔適合生活。去旅行就 ok……住就……又悶又大壓力……」。
更有網民直言，只要一日未財富自由，到哪裏都無法解脫：「一日還打工嘅話，去到邊個國家都一樣係奴隸。」
去英國咪一樣 人離鄉賤
樓主的悲鳴獲不少網民附和，直言「去英國咪一樣，人離鄉賤」：「英國又咪一樣，無分別😂人離鄉賤。」
網民指出，不少人以為離開香港便能解脫，結果到了英國同樣淪為交稅工具，生活質素甚至不升反跌。
網民列舉英國生活的種種無奈，包括稅率高企、生活開支飆升、治安惡化、罷工頻密、天氣陰冷及飲食不合胃口等。有網民坦言，移民英國看似容易融入，但實際上「單靠一個 Degree（學位）乜都冇真係冇運行」，若缺乏專業資格，在當地同樣只能在底層掙扎做「高級奴隸」。
大批網民總結，這兩個地方各有各的地獄模式：日本是表面客氣、底層排外；英國則是制度老化、生活不便。網民無奈留言：「度度都一樣，去到外國咪又係做奴隸。」
最致命一擊 竟然係......
然而，網民與樓主一致公認，在重稅與排外文化之外，外國生活最能摧毀移民意志的「最致命一擊」，莫過於靈魂深處的社交孤立與孤獨感。
樓主在貼文中提及「朋友個個住咗兩三年就走晒」，網民指出，移民最痛的不是肉體勞累，而是當你決定落地生根後，卻發現舊朋友陸續回流，新地方的人又永遠當你是外人。在這種被世界遺棄的孤獨深淵裏，不論在日還是在英，都會令人瞬間崩潰。不過，亦有網民安慰樓主，奉勸不必作繭自縛，不順心大可回流。
資料來源：mashu__kun＠Threads
相關閱讀：
住日本5年回流香港 飽受禮待反愛港式服務？ 港女嫌日本少一點「活人感」 網民：香港係人情味
港男赴日本鄉下考巴士牌 爆日本揸巴士日薪高達「呢個數」 網民驚訝：咁吃香？
