青年巴士上失控爆喊 暖心婆婆一舉動破防 淚憶亡父：陌生人一張紙巾接住我 全網加碼分享街頭送暖故事｜Juicy叮
發佈時間：10:47 2026-11-06 HKT
一名後生仔在巴士碌手機時突然失控爆喊，對座素未謀面的婆婆隨即溫柔安慰，一暖心舉動令全網破防。大批網民深受感動，含淚自爆在最無助的瞬間如何獲陌生人無聲接住情緒，更有人加碼分享在香港街頭、港鐵站及醫院，獲路人與醫護窩心送暖的經歷。詳情見下圖及下文：
青年巴士上失控爆喊 暖心婆婆一舉動破防 淚憶亡父：陌生人一張紙巾接住我 全網加碼分享街頭送暖故事逐張睇↓↓↓↓
暖心婆婆一步拯救心靈
有樓主早前（5日）在社交平台 Threads發帖，記錄在巴士目擊的催淚一幕：「今日坐巴士，見到有個後生仔坐坐下碌電話無拿拿喊咗出嚟……」
對座的婆婆隨即溫柔地「拍下安慰、畀咗包紙巾、同後生仔傾計」。後生仔雖無分享心事，但數度哽咽「幾次多謝婆婆關心」。
樓主深受觸動直言：「多謝婆婆，你嘅一步可能拯救咗一個人……祝婆婆身體健康，亦希望後生仔可以開心返」。網民對此大有共鳴：「人真係去到好傷心，先會忍唔住喺條街度大喊，如果我係個男仔，個婆婆一開口安慰，我應該會喊到癡咗線」。
淚憶亡父：陌生人一張紙巾接住我
這份善意引發全網傾訴在最崩潰時，獲陌生人伸出援手的瞬間。
有網民分享去年喪父後的錐心一幕：「上年爸爸過身，處理好所有嘢諗住一個人搭車拜爸爸。坐巴士最後一行突然忍唔住爆，對面有對父女（小朋友好細個）望住我。」
網民續指，「我已經一直望窗好驚影響到人，最後對面爸爸畀咗張紙巾我，雖然大家都無出聲，但當時覺得好似有人接住咗自己情緒。真心好多謝個位男士同小朋友。」
亦有網民憶述，「試過坐緊巴士返工途中，接獲姨媽離世（細個姨媽湊大），喺巴士上喊到完全收唔到聲🙈🙈。」
網民加碼分享街頭送暖故事
隨後，大批網民分享在香港各個角落遇上的溫情故事。
有網民透露自己也曾在巴士上，向隔壁痛哭的男仔遞上紙巾，對方轉頭真摯地說了一聲「thank you（多謝）」。
不過，也有網民坦言曾遇女生在巴士大哭，當刻雖想遞紙巾，但因為「怕多事，最後都係冇做到」，點出不少港人想關心他人卻怕尷尬的矛盾心理。
除了車廂，港鐵站與醫院同樣記錄了令人難忘的溫暖。有熱心網民分享在港鐵站的經歷：「地鐵站遇過……一個女仔，身上只有一包用剩2張紙巾。佢落車，我跟住佢，見周圍無人，畀咗一包用剩2張紙巾佢，問佢可以hug（擁抱）一下？同佢講希望你喊完、心情會好啲，有問題記住搵人幫手」。
這位網民感觸透露，自己之所以會如此主動，全因當初也是過來人：「試過喺醫院有屋企人離開，我坐喺房外爆喊，有個姑娘行嚟安慰and hug一下，呢個hug好有力量，當時感覺我仲記得。」
資料來源：yeee_abc＠Threads
相關閱讀：
失意女又一城街頭爆喊 陌生暖男遞紙巾送水 留下「一句說話」惹喊全網
50+叔叔街頭失控爆喊 港女遞紙巾「一無言舉動」超暖心 網民揭人到中年最心酸現實
