方大同為紅館個唱忙到瘦預告嘉賓全部係靚仔

更新時間：16:44 2019-03-27 HKT
發佈時間：16:43 2019-03-27 HKT

方大同將於本月30及31日在紅館舉行演唱會，今日到沙田進行綵排，自彈自唱兩首金曲。大同表示已有5年多沒有在紅館開騷，心情有點緊張，但保證今次個唱好玩，更會在個唱上首度獻唱新歌，完騷才正式推出，歌迷可先聽為快。

他說：「很久沒有為香港歌迷獻唱了，緊張得來又覺得好玩，而且兩場會有不同嘉賓，全部都是靚仔。（靚仔但不識唱歌？）有一隊唱歌不太叻，但靚仔及才華很吸引，而且口才很好。（農夫嗎？）哎呀！不知道呢，哈哈！（農夫都叫靚仔？）唔靚仔咩？哈哈！」他又指另一位嘉賓是久未合作的師兄，而且愈來愈有男人味，但身份則要保持神秘。

笑問冇份做嘉賓的好友薛凱琪有否呷醋？大同表示對方會來睇騷，並自爆會與愛徒王詩安及王母首度同台演出，將王母的京劇結合現代音樂，相當有趣。他又坦言最近兩個月為了準備個唱，以及公司藝人出碟的事宜忙碌，身形略為消瘦一點。