港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

頭條獨家丨邵音音街頭煲煙自備煙灰缸 71歲勁開胃見乜食乜

即時娛樂

更新時間：19:14 2021-11-04 HKT
發佈時間：20:00 2021-11-04 HKT

邵音音與友人入餐廳時，好似未有停低登記資料。

現年71歲的邵音音因為疫情影響，今年只得兩片《糖街製片廠》及《鬼同你住》推出，不用拍戲的日子，她便出席活動，維持曝光率又可以見見朋友。當日邵音音戴上兩個口罩外出，相信是怕整花個妝，出席完活動後，就與友人轉場飯聚，但係眾人好似忘記仍是防疫期間，有限聚令要求，六人一枱好似冇用「安心出行」，嗯！有啲唔安心喎！採訪：譚壹致

邵音音為免整花個妝，先戴上一層透明膠口罩。

邵音音好好胃口食得好滋味。

邵音音早前出席《微電影「創+作」支援計劃（音樂篇）》配對會及微電影製作啓動禮後，與同場的周峻陞（Jach）等一行六人到九龍塘又一城開餐。當日約下午4時，眾人分頭出發去一家食滬菜的店舖，邵音音在女友人陪同下抵達，之後男友人都到場，一行人揀坐在餐廳角落位置。邵音音坐低後即脫下口罩，而女友人則發辦點菜，有湯、有炒飯，還有小籠包等。別以為邵音音一把年紀只會食健康易入口的餸菜，她反而樣樣都食，而且食得相當滋味，飲湯時更豪氣地拎起隻碗放到嘴邊，邊傾偈邊食。

邵音音的近作《鬼同你住》已於8月時上映。

邵音音（中）一行人早前出席《微電影「創+作」支援計劃（音樂篇）》活動。

拉隊歎飯後煙

其間男友人拎着手機睇相，之後站起身跨過膠板遞給邵音音，她取得手機後就展示給另一友人觀看。眾人又食又傾接近兩小時才離開。邵音音戴回口罩時，似乎為免整花妝容，竟然戴上兩層口罩，先以透明膠口罩打底，外層再戴上花肖款式，襯番一身紫Look打扮。眾人離開餐廳後就拉隊到商場外煲煙，不過Jach沿途未有戴回口罩，一度令途人眼望望。眾人圍埋煲煙時，邵音音一時找不到火機而要向友人借火，但她就體諒清潔人員的辛勞，自備迷你煙灰缸，維持地方整潔。食完飯後煙，眾人就分開坐車離開。