廖碧兒默認戀70歲百億富商

更新時間：03:00 2026-10-26 HKT
發佈時間：03:00 2026-10-26 HKT

　　現年47歲的廖碧兒今年6月被《東周刊》獨家直擊與男士結伴進入九龍塘私密會所「九龍塘會」密會。該男士被揭是現年70歲的東華三院前主席、擁百億身家的呂禮章。廖碧兒首度現身被問及緋聞，默認對方男友身份，不過就否認已「嫁得」。
廖碧兒昨日首度現身回應緋聞，春風滿面的她被問到是否嫁得？她聽到即笑說：「呢啲唔諗住，最緊要開心，一路都冇呢個壓力，我媽咪、爹哋都冇畀，我自己都唔畀呢個壓力畀自己，我覺得順其自然。」提到之前大晒4卡求婚鑽戒？她稱是找到為Taylor Swift設計珠寶的設計師，為她設計入行25周年的戒指，問有否收到其他戒指？她稱：「冇呀，自己送畀自己，你幫我尋找一下。」
至於之前貼出的天空「I Love B」照片被指獲示愛？廖碧兒稱：「大家諗多咗，只係見到啱啱有B咪拍囉，飛機公司都多謝咗我，係唔關我事。（有乜嘢係只係送俾你？）Friendship、感情、愛情，好似啲朋友咁支持我做緊嘅嘢，等於我做緊嘅咖啡、我啲酒，我有咩活動佢都支持。（會唔會結咗婚先話畀我哋聽？）唔知喎，未諗呢啲嘢，最緊要開心，我宜家仲追求緊我嘅夢想。」她又透露11月將會在會展參與展覽，問到時候男友會否出現支持？她默認關係表示不知，笑指她之前去超市巡視業務時，男友也充當攝影師，她說：「朋友、家人當然要支持！」
祝福舊愛劉愷威新戀情
廖碧兒舊愛劉愷威亦被《東周刊》獨家踢爆與黎紀君有新戀情，她稱不知道，但當然會為朋友開心：「都會祝福佢！」笑指她與舊愛現時的感情生活同樣甜蜜，她說：「我唔知，你要問返人哋有冇咁sweet。（你係呀嘛！）係咩！Thank you！」
同場的Gin Lee近日先後傷到頸及膝頭，更因此要以枴杖輔助幾日，更明白要保養好身體。