黎芷珊揭周星馳天馬行空怪癖自爆曾做笑點測試員：佢細個已經怪怪地

更新時間：15:03 2026-08-12 HKT
發佈時間：15:03 2026-08-12 HKT

由周星馳自編自導的最新鉅作《功夫女足》（Kung Fu Soccer）終於明天（8月13日）在香港及澳門上映！電影由7月於內地上映至今，票房有望衝破25億元人民幣大關（約29億港元），在周六（8月8日）的「特別謝票場」，周星馳偕劉嘉玲、迪麗熱巴等超狂陣容破天荒現身，成為一時佳話。

周星馳破格接受黎芷珊專訪

周星馳今次亦破格接受專訪，他將會現身好友黎芷珊擔任嘉賓主持的節目《一周星星》，今次之所以願意破例現身，全因他與主持黎芷珊那份「識於微時」的深厚情誼。黎芷珊完成訪問後接受官方訪問時難掩興奮，她坦言當初接到任務時也覺得難以置信：「《一周星星》諗住派我出去成數會高啲，點知真係成功咗！可能佢見到係熟人，所以先一口應承。」

黎芷珊與周星馳絕對是識於微時

黎芷珊在IG亦有貼上與周星馳的合照並說：「Long time no see! 難得相聚梗係要傾餐飽啦！」黎芷珊與周星馳絕對是識於微時，兩人在80年代TVB經典兒童節目《430穿梭機》同為節目主持，回憶起兩人初相識的印象，黎芷珊竟然笑著用「怪怪地」來形容對方：「我記得剛加入《430穿梭機》無耐，有次同星爺去沙灘拍外景。當時導演喺沙灘上向大家介紹我係新主持，點知星爺竟然完全冇理會，自己一個人行開咗，踎喺海邊玩緊一隻浮咗上沙灘嘅水母！」這份極具「星爺風格」的無厘頭見面禮，讓芷珊啼笑皆非，至今依然歷歷在目。除了「玩水母」，黎芷珊亦勾起了不少兩人在兒童節目時期的點滴。黎芷珊笑指當年的星爺已經是個「非一般」的兒童節目主持，不但沒有刻意裝出可愛模樣去逗小朋友，反而經常在鏡頭前與小朋友「鬥嘴」，甚至會在《黑白殭屍》環節中展現出獨特的黑色幽默。在化妝間和廣播道的木人巷裡，星爺總是喜歡沉醉在自己的世界，看似漫不經心，但其實無時無刻都在觀察身邊的人和事。

黎芷珊是星爺的「御用笑點測試員」

黎芷珊直言：「佢係天馬行空、創造力同觀察力都好高！」她更透露自己當年是星爺的「御用笑點測試員」：「佢會成日喺你身上嘗試佢嘅天馬行空，佢諗到咩嘢就會行埋嚟講畀你聽，睇吓你笑唔笑，去Test自己嘅想法到底中唔中，非常搞笑。」黎芷珊與周星馳對上一次見面是2013年為對方執導兼監製的電影《西遊·降魔篇》擔任發佈會司儀，13年後兩人因為《功夫女足》再度聚首一堂，黎芷珊坦承事前確實有不少心理壓力：「開頭都有啲擔心，因為近年睇佢一啲訪問，我好驚佢一句起兩句止。」她笑言未做訪問前，自覺難度指數高達8分（滿分10分）。不過，這一切的憂慮都在星爺踏入錄影廠那一刻煙消雲散。「一見到佢入嚟同大家打招呼，我就知道搞掂，完全係見返老朋友嘅感覺。」最令黎芷珊心花怒放的，是周星馳每次見面都必定會使出他的「冧女絕招」，第一句便劈頭問：「點解你個樣冇變過嘅？」這句說話𠱁得黎芷珊十分開心。儘管兩人都經歷了演藝圈的無數高低起伏，但黎芷珊仍用「感覺依舊」來形容這段橫跨數十載的珍貴友情。