雷宇揚離世｜明天廣州出殯 陳欣健揭鬼王8月已病重 施念慈聞死訊激動藉受訪否認拍過拖
發佈時間：17:48 2026-09-11 HKT
雷宇揚日前胃癌離世，終年62歲。雷宇揚好友吳志雄（志雄哥）向《星島頭條》透露，雷宇揚將於明天在廣州出殯，喪禮採用佛教儀式進行：「明天我上廣州跟他太太一齊送他最後一程，有心有心」。另外，多位雷宇揚生前曾合作的藝人與好友亦接受《星島頭條》訪問，當中包括陳欣健、施念慈、古天樂、林韋辰等。其中施念慈更藉回應，否認與雷宇揚曾拍拖一事。
陳欣健揭雷宇揚8月狀況不好
雷宇揚和陳欣健私下交情深厚，雷宇揚近年移居內地低調生活、鮮少公開露面，但他曾特別出席陳欣健(Philip)的私人生日宴，對於雷宇揚明天出殯，Philip接受《星島頭條》訪問時慨歎說：「我呢個年紀盡量唔去白事」。多年來陳欣健一直有跟雷宇揚保持聯絡：「當年我係新城電台總經理，邀請佢主持《新香蕉俱樂部》節目，可以講由細睇到佢大好愛錫佢，而佢亦好尊重我。我哋共同話題及興趣都係睇電影，雖然佢呢兩年患病，但佢好樂觀，每次見面只係嘻嘻哈哈講電影，反而好少提及病況。不過，今年一月時佢用文字通知，我話『病情嚴重，要馬上做手術』，到8月初時表示『狀況不太好，轉好再見面』還祝我新書大賣，之後已失聯。」陳欣健知道他疼錫兒子，希望兒子在家人愛護一下好好成長，雷宇揚離苦得樂也是解脫。
相關閱讀：雷宇揚離世丨好友葉子楣憶故友受病魔折磨 揭雷宇揚患癌聲沙難以說話：喉部受影響
林韋辰：唔覺意又走一個老友
林韋辰認識雷宇揚20多年，當年一齊拍亞視劇集《香港一家人》，他接受《星島頭條》訪問時表示大家會聚會：「但佢一直冇提過有病，見佢精精神神反應快又幽默，真係好突然。」林韋辰記得去年過年前雷宇揚曾想約飯局，不過，當時他坐骨神經有事約會擱置：「唉！唔覺意又一個老友離開咗。今年聽呢啲消息聽到驚，見群組有人合十，又唔知邊個走咗。」據他了解，雷宇揚在廣州生活安定，經常接仔放學返學係個好爸爸。對於他和吳啟華、雷宇揚拍抖音晒名錶，林韋辰解釋只是嬉戲橋段。
古天樂與雷宇揚在電影《陰陽路》系列中多次合作，對於雷宇揚因胃癌在廣州病逝，古天樂透過經理人回覆《星島頭條》表示：「好震驚、好沉痛，一路好走。」
相關閱讀：「鬼王」雷宇揚胃癌病逝終年62歲 細21歲嬌妻證實死訊 育一子近年定居廣州低調抗癌
施念慈否認曾與雷宇揚拍拖
另外，施念慈接受《星島頭條》訪問時，得知雷宇揚離世感到愕然，她反應激動說：「我唔知呀！太突然喇我哋好多年冇聯絡。」施念慈大讚對方是位相當照顧後輩的前輩，1996年是被他提攜入新城電台：「佢係我恩師，既有鬼才又搞笑，又肯試新嘢，教曉我哋做嘢要睇長線，唔好只看目前，從佢身上學會多面化想法，佢離世真係好可惜。」
當問到兩人難忘甜蜜拍拖點滴時，施念慈即否認雷宇揚是舊戀人，反問：「連我都唔知喎！我哋冇美好回憶。」她只希望雷太能節哀。
