東張西望丨權伯打格仔似足何伯？四朝元老主播林映輝遇荒誕個案超認真網民：頂得順唔笑

更新時間：13:19 2026-09-15 HKT
發佈時間：13:19 2026-09-15 HKT

TVB節目《東張西望》昨晚（14日）報導一宗發生在深水埗玉石市場、主角年齡加起來超過200歲的三角孽緣。70歲檔主阿麗與相識逾20年的60歲「金蘭姊妹」阿珍，因爭奪80多歲的男友權伯而反目。阿麗公開控訴阿珍橫刀奪愛，並大爆對方「做雞出身」等露骨身世。阿麗透露自己喪夫後與權伯交往，豈料阿珍竟主動買偉哥及煲湯勾引權伯上床，甚至向她高調示威。最終權伯與阿珍結婚，阿麗雖痛心退出並怒斥二人為「垃圾男女」，但三人的恩怨至今仍未平息。

三角孽緣曝光後製造了不少熱話

阿麗的兒子眼見母親長期受到騷擾，挺身護母與阿珍理論，但反被阿珍指控：「佢搵佢個仔話打我、想殺我！」其後節目組安排阿麗與阿珍當面交涉，希望讓兩人就多年指控直接對質，但二人一見面便爆發激烈口角，阿珍接連提出質疑，阿麗亦未有退讓，現場火藥味極濃。事件曝光後，在網上製造了不少熱話，有網民直言：「兩個一把年紀都唔化㗎，好意思報《東張西望》，睇完我都唔明，個男主角權伯，仲未出場，又要睇埋聽晚下一集。」

三角孽緣曝光後製造了不少熱話

這對相識逾20年的「金蘭姊妹」阿珍和阿麗為逾八旬男友反目，二人三年間多次爆發肢體衝突，在狹窄通道拉扯互毆，驚動街坊多次報警。面對昔日姊妹的狙擊，阿麗在鏡頭前崩潰發誓：「我發毒誓，我冇勾引你老公！我同你老公分咗手，冇任何關係！」這段三角孽緣曝光後，在網上製造了不少熱話，有人說：「話時話，打左格權伯個樣有啲似何伯。」、「估唔到三角戀呢味嘢，阿婆阿伯都玩埋一份。」、「我覺得阿婆夠決絕又叻女，對住呢啲垃圾知道要即刻走，俾10個叻佢。」、「噚晚我同我老公睇到呢單新聞都笑到死，咁大年紀仲爭乜鬼呀？邊個要邊個攞去啊？」、「個60歲阿婆仲話已經同阿伯上咗床，好似贏咗咁，嘩！心諗，好嘔。」、「加埋200歲都來重搞呢啲野... 睇咗乜？」、「一百歲唔死都有新聞。」、「80幾歲都仲有人爭真係羨慕死同年阿伯！」

林映輝追訪三角孽緣面不改容

今次《東張》派出元老級主播林映輝（輝仔），62歲的林映輝過往已經曾報道過不少荒誕行徑，林映輝面對這段超過200歲的三角孽緣，依然面不改容，她的表現再度引起關注，有人說：「點解主持人仲可以咁認真？」、「我發覺好好kam嗰啲case都會搵暉仔訪問，因為慎防其他未夠經驗嘅主持笑出嚟。」、「佢嘅反應100分，佢表現得非常憤怒，仲女性本能反應問條女靚唔靚。」、「暉仔好專業，唔似梁敏巧忍唔到笑。」、「而家做東張西望嘅主持，除咗要伸張正義之外，必要嘅條件係要跑得，可以追貼幾條街，識得不停追問，同埋最重要一點，就係可以忍到笑。」入行超過30年「輝仔」林映輝從《城市追擊》起步，繼而先後參與《全線大搜查》、《娛樂直播》及《東張西望》，被譽為「四朝元老」之一，見證時事娛樂節目的轉變的林映輝曾說：「多謝監製肯繼續用我，用得我一日就做一日，《東張》畀我有機會繼續接觸到基層嘅人，希望透過我能夠畀少少溫暖佢哋。」