愛回家之三代同糖｜吳若希被流放吳旺達獨家回應感想網民：變「三代徬徨」對白句句有骨？

更新時間：21:25 2026-10-17 HKT
發佈時間：21:25 2026-10-17 HKT

TVB處境劇《愛回家之三代同糖》開播以來話題不斷，擔大旗的吳若希更因演技浮誇淪為網民箭靶。加上她早前手滑點讚對台HOY TV對撼新劇的帖文，徹底激怒高層，結果吳若希聲稱以體力不支及處理私事為由，主動向公司請大假暫別劇組。車婉婉受訪時亦證實，第50集後的劇本確實已完全沒有吳若希的戲份，亦不知對方何時能夠回歸。在昨晚（16日）播出的第49集，吳若希終於「喊住離家」。對於有指吳若希「發配邊疆」而淡出劇集種種傳言，正身處韓國放假的吳若希獨家回應《星島頭條》時表示：「生死以外無大事，我命由天不由我，我只會做好自己，因為太鍾意返工。」至於幾時再「回家」，她說：「等我唞順條氣先，之後繼續鍾意返工。」

吳若希「發配邊疆」對白句句若有所指

劇情講到「楊光」侯雋熙得罪了「Lilian」吳沚默，雖然「唐萬里」吳若希成功拆彈，但老闆「高冠一」容天佑以升為副總裁為名，實情將吳若希「發配邊疆」調到吳旺達。劇中對白更是句句若有所指，包括「有啲嘢睇穿口又不能說穿」、「呢個世界又冇話冇咗邊個唔得」，以及「呢件事就係畀個教訓妳，嘢係唔可以亂講」，旋即引來不少觀眾質疑「句句有骨」。

吳若希被流放竟得到網民認同

離別之際，女兒「唐芯」李茵彤緊緊抱住「唐萬里」吳若希哽咽哀求，吳若希含淚將這個家託付給媽媽「唐曹嘉冰」車婉婉：「我唔喺度嘅時候，呢頭家交畀你喇，辛苦晒你。」而飾演「唐曹嘉冰」的車婉婉則深情擁抱並心疼打氣：「放心，你要好好照顧自己！」吳若希今次被流放的演出，竟然得到網民的認同，有人表示：「其實吳若希真係好慘，講真我唔係佢嘅hater，但一套劇唔好睇唔係佢錯。明明呢個『三代同糖』係講佢哋三個唔同年紀嘅女人，而家走一個，咁仲叫『三代同糖』咩？！」、「無咗一個糖都唔係一頭家，直接cut咗算啦！」

網民建議改劇名：愛離家之三代徬徨

還有人笑言：「愛離家之三代徬徨」、「咁不如拍吳若希喺吳旺達巧遇安仔，合作賺返嗰三億。」、「係囉，咩叫三代同糖？夾硬抽走其中一個女主角。一套劇好唔好睇，從來都唔係一個半個演員嘅問題，而係劇本有冇賦予佢哋靈魂、吸引到人嘅地方。同埋長篇連續劇同人一樣要日久生情，睇耐咗、接受咗先有親切感。」、「呢套劇真係唔掂，播到第50集已經走咗個主角。」、「不如就喺呢度大結局啦。」、「夾硬送走大主角，就算佢無觀眾緣，成套劇都變爛，點執都救唔返。點解唔斬掉重練？亡羊補牢，結果係咩？」

甚至有網民大開腦洞：「既然叫三代同糖，就應該連埋芯芯、唐C9三個都一齊去吳旺達，跟住鏡頭射去喺吳旺達嘅金城安，見到佢哋三代同堂咁sweet，就決定返嚟香港同媽咪、根叔一齊。對比之下佢哋都係『三代同堂』，之後熊家一齊取代原先嘅唐家，仲對住鏡頭話要速遞啲開心俾大家，決定改名叫『開心速遞』。」