翁靜晶出動資深律師替蔡楓華鐵蓮花插眼翻案睇完口供紙更正案發日期：情節比聽到更可怕

更新時間：12:20 2026-10-24 HKT
發佈時間：12:20 2026-10-24 HKT

80年代曾有「紅唇王子」之稱的蔡楓華日前罕有現身翁靜晶的YouTube節目《危險人物2.0》的訪問，曾因瘋言瘋語的行徑而被封為「四大癲王」，形象直插谷底的蔡楓華在訪問上全程思路清晰，說話有條不紊，罕有地澄清了多項纏繞他40年的真相，強調未有因「剎那光輝」被雪藏繼而「兜踎」，成功令他一洗在大眾心目中的負面形象，翁靜晶豪氣課金蔡楓華再戰紅館。

翁靜晶交代為蔡楓華深圳遇襲進展

近年出席活動經常以黑超造型示人的蔡楓華，在節目上展示因重創而視力受損的右眼，更道出受傷經過，當年因張耀榮在電視公開承諾會再為他開演唱會，結果卻得罪有勢力人士，在深圳遭到30多人圍毆：「佢哋有計劃、有組織、有預謀，用鐵蓮花插我嘅右眼，係創傷性青光眼，右眼視力永久受損。」翁靜晶聞言不禁心痛對方遭遇落淚，並承諾替他翻案。昨日（22日）翁靜晶她上載最新影片交代進展，並為蔡楓華記錯案發日期一事作出澄清及更正。

翁靜晶指蔡楓華記性差

蔡楓華多年來被冠上「四大癲王」稱號，在節目上又稱「四大癲王」這個外號對他影響甚大，不單止工作，甚至連因被打而去報警求助都不獲受理，翁靜晶聽到蔡楓華的遭遇不禁落淚，並承諾替他翻案。昨日翁靜晶上載一段與蔡楓華見面的影片，翁靜晶為蔡楓華親自炮製的粉麵招待，滿心期待地問對方：「搵你試食，食成點呀，我啲手勢得唔得呀？」見蔡楓華食得不多，她即追問：「點解你食剩咁多呀？」蔡楓華解釋「好食」，翁靜晶搞笑地打圓場說：「即係你唔想咁快食晒。」隨後翁靜晶指蔡楓華記性差：「你啲你啲記性好唔掂喎。你個日期記錯咗喎，究竟係咩日期呀？」原來翁靜晶所指的日期，與蔡楓華當年在深圳被襲有關。

翁靜晶找到資深律師幫忙跟進慘案

蔡楓華說：「2005年3月20號，喺呢個金沙賭場啊！金沙Sand，金沙賭場。（翁靜晶：搵邊個呀？）搵個叫做 Entertainment Manager 叫做 Mr. Pow。」翁靜晶續說：「即係一個日期記錯咗。大家有好多人就話：『哎呀！有無搞錯，2004年威尼斯人未開幕。』」因為記錯咗，係2005年嘅。我今天幫阿Ken 睇咗張口供紙啦。」翁靜晶亦在Facebook寫道：「已經看了蔡楓華的口供，內裡的可怕情節，比你們聽到的更甚。當中有一個日期，正確時間是2005年3月20日，正確地點是金沙賭場。我已經找到一位比我更資深、更穩重的律師，願意一同幫忙跟進『鐵蓮花插眼』的慘案。」

蔡楓華因開演唱會得罪有勢力人士

蔡楓華因張耀榮在電視公開承諾會再為他開演唱會，結果卻得罪有勢力人士，他曾在翁靜晶的節目上憶述當年被打經過，指遭到30多人圍毆：「佢哋有計劃、有組織、有預謀，嗰時我住偏僻地方，佢哋搵個女人嚟話『蔡生，呢排有個男人嚟搵你，問你住喺邊。』首先畀咗一個錯覺你，覺得屋企唔安全，嗰晚我喺澳門，去威尼斯人，唔係賭錢，係想去搵一個Entertainment manager，嗰晚我已經知道危險，因為我返嚟嘅時候，遇到啲的士司機架架都係嗰啲人，我上到去已經驚，就諗住上深圳避一避。」蔡楓華續說：「上嗰啲巴士，離開咗，後面有七、八個古惑仔喺度唱《絕對空虛》，跟住我一齊上，過咗關之後去到嗰個位，佢哋就響朵，話『我哋係邊度，你搵邊個同你做紅館呀？』我話『張耀榮先生，得唔得？』嗰陣喺關入面，佢哋唔敢郁手，到我上咗的士，睇吓佢哋會唔會跟住我，冇吖，去一去桑拿地方，諗住睇吓有冇事，一出返嚟，30幾人等我！喺深圳出面等我，喺深圳打我！」蔡楓華稱當時先返香港再到屯門醫院縫針：「我返嚟即刻去咗醫院，嗰時啲CID擺明車馬，話蔡生唔適宜落口供，佢寫嘅全部都係大陸嗰一半，香港嗰一半佢冇嘅，跟住佢睇都唔睇，就俾返封信，我話係common assault（普通襲擊），我就寫返封信話唔係。」他更罕有除下太陽眼鏡展示右眼傷患並說：「冇盲到，隻眼做咗手術。用鐵蓮花插我嘅右眼，你知唔知道，如果打低少少，呢度爆咗，話畀你知，隻眼冇咗，我呢度做咗手術，係創傷性青光眼，右眼視力永久受損。」翁靜晶聞言不禁心痛對方遭遇落淚，並承諾替他翻案。