雪梨斥前度盧偉力假君子 未拍拖被要求瞓一晚：真係齋瞓 被撳頭感不滿 分手後娶黃曼凝

雪梨日前作客由伍詠薇與李凱賢（Brian）主持的訪談節目《九運會客室2》，大方分享與徐少強、幕後人盧偉力的情史。雪梨坦言自己曾是「戀愛腦」，雖然表示與徐少強分手沒有影響她的愛情觀，不過亦透露自此拍拖也不願再投入太多感情，覺得後來數段戀情，似乎都是男方愛她比較多。面對雙方不再合適時，她亦可以灑脫分手，「其實我冇咩愛情觀，你畀咩感覺我，我咪畀返咩感覺你囉！」

雪梨一度不願跟徐少強溝通

回想起與徐少強的關係，雪梨坦言剛分開時雙方難以溝通，但她選擇放過自己：「初初傾唔到嘅，初初分開嗰時係傾唔到，但我個人覺得，又唔係殺咗我全家，我覺得該放下啦，即係唔好咁執著啦！」她透露當時為了避免情緒波動而選擇暫時不見面，直到自己平復後才主動破冰：「寧願唔見，唔係嗌交唔係盛，係唔見住。等好返喇，我情緒穩定返喇，我思維正確返喇，我就打俾佢『喂，見下仔女啦』，就又OK。」雪梨後來帶子女移居加拿大，雖然徐少強不是個好情人，但她亦盛讚徐少強是個負責任的父親，有出錢撫養一對子女。

相關閱讀：徐少強夫婦追思會丨雪梨現身送別舊愛徐少強！放下昔日恩怨 一身黑衣低調到場

雪梨送襪感動盧偉力

除了解構過往的單親媽媽生活，雪梨更在節目中首度大爆於1997年，與一度談婚論嫁的舞台劇導演兼學者盧偉力的相戀經過，當年二人拍拖約半年已經訂婚，最後卻分手收場。雪梨表示，當年與盧偉力因舞台劇結緣。當時心思細密的雪梨，因為在排練期間留意到對方的襪子穿了個洞，於是貼心地準備了禮物：「我買咗半打襪……『盧偉力，送俾你嘅』。」 這一窩心的舉動，頓時令男方大為感動，兩人亦因此漸生情愫，展開了一段才子佳人的戀情。

相關閱讀：徐少強逝世丨雪梨悼念舊愛願一路好走 曾誤做第三者未婚誕下仔女

雪梨被盧偉力要求「瞓一晚」

隨着感情發展，雪梨透露盧偉力更曾對她提出一個極為大膽的要求，希望藉此證明自己是值得託付終身的「正人君子」，問道：「你可唔可以上嚟我屋企瞓一晚？」當時雪梨聽後感到相當疑惑，隨即追問：「我話『點解要去瞓呢？』」盧偉力則一臉真誠地解釋：「佢話『我想俾你感受下我係咩人，瞓一晚啫。』」雪梨爽快答應。
原本主持人伍詠薇也以為兩人當晚會發生親密關係，豈料雪梨笑指對方全程規矩，完全沒有任何越軌行為：「真係齋瞓，真係冇嘢，跟住食早餐，先返屋企。」雪梨笑指：「係咪玩嘢，你做乜X嘢呀？」後來才明白男方是想展示自己「正人君子」一面。

雪梨與盧偉力同居處處受壓 

雖然這段關係曾走到訂婚階段，但雪梨透露兩人同居後，對方的控制欲與大男子主義逐漸現形，令她感到備受束縛。盧偉力不僅極度迷信，更強烈反對雪梨在睡房內擺放驚慄小說：「佢會即刻好大反應『即刻拎出去！』佢十分之迷信，佢覺得擺本鬼書喺度，會有嗰啲嘢囉。」此外，她的個人喜好亦遭到對方干預：「買音響，唔可以有卡拉OK。我鍾意唱歌嘅，就截咗我啦，唔唱得。煮飯、洗衫、執屋，我做。佢又用某一些感覺俾你聽，因為佢都食煙嘅，開始嘅時候。咁你知我都係煙鏟嚟㗎啦，食煙。佢又覺得要改變我思維，但用行動去改變我。先食一口，就擺低，然後就望住你『嗯，食少啲好啲』，我就覺得，哇，你已經干預我嘅人生自由啦，已經唔係情侶咁！」更提出要求雪梨戒煙，但雪梨未有理會男友。

相關閱讀：雪梨酗酒度日險走進鬼門關 緊急送院「通波仔」保命 拒仔女供養 寧願借錢、掃街

米雪、雪梨胞妹蘋果罕露面？

雪梨被盧偉力按頭感不滿

兩人的矛盾隨着工作上的摩擦終於引爆。雪梨憶述有一次排戲期間，因為等待遲到的演員，於是在沙發稍作休息，竟被盧偉力以不尊重的動作喚醒：「我坐喺度等嘅，但佢覺得我瞓得太多。佢就咁樣一搦我，用手指搦我，『喂，起身，起身啦！』我覺得，你叫我咪拍我囉，你點解要搦我呢？佢係畀咗不良嘅感覺我啊……你唔需要咁樣，叫我咪得囉，你可以拍下『喂，起床啦』，呢啲已經唔係溫柔，係命令。」雪梨當下有不滿，但未有發火，繼續排戲。

雪梨斥盧偉力是「假君子」

雪梨因多件小事積下的怒火，最終因一件事被徹底觸及底線，當場大怒。她透露當日她在銀都影業被盧偉力要求表演，她拒絕表演，更趁着眾人在場的情況下，宣佈分手並除下訂婚戒指：「我就同佢分手囉。宣佈俾全世界聽……因為呢班人全部都有出席（訂婚派對）。」回看這段三年的感情，雪梨坦言認清了對方的真面目，直斥其當初的紳士風度全是包裝出來的假象：「你係正人君子就唔係咁（搦頭）叫我起身啦！根本佢第一日就係扮嘢，佢自導自演……你畀我一個錯覺就係，你所做一切完全係假君子。」

相關閱讀：翁靜晶憶曾目擊徐少強偷食 雪梨無悔昔日戀情 爆《A計劃》黃曼凝去向：佢嫁咗我前未婚夫

閨密「接棒」嫁盧偉力  黃曼凝主動致歉

這段感情最戲劇性的發展，莫過於雪梨與盧偉力分手後，其閨密黃曼凝竟與男方相戀，甚至結成夫婦。雪梨透露當年宣佈分手的一幕，黃曼凝其實亦在現場目擊：「佢都喺度，我想打佢（盧偉力）嗰日。」當伍詠薇好奇追問，當時黃曼凝是否有介入她與盧偉力的戀情，雪梨說：「我唔知！應該冇嘅。」

分手後雪梨徹底與兩人斷絕來往，直至幾年後才得知兩人的婚訊：「分手之後我冇同佢聯絡，男士女士都冇聯絡。我冇嬲佢哋，只係因為一啲工作，唔記得咗，唔得閒啦……有一日，就有人傳畀我聽，盧偉力同黃曼凝結婚喎。我話『Good』，好啊。」

黃曼凝婚後，與昔日閨密雪梨在某個場合相遇，黃曼凝因自覺尷尬而主動向雪梨致歉：「黃曼凝同我講對唔住，我話『做咩對唔住啊？Sorry咩啫。我知道好耐啦，唔使講啦』。」她更叫黃曼凝多花盧偉力的錢：「『唔使做啦，養得起你啦，你盡量去啦，使佢錢啦』。」雪梨坦言與黃曼凝自此都沒有再聯絡，淡然面對往事。

相關閱讀：翁靜晶回應雪梨被性騷擾內幕 揭公開秘聞時機 澄清不後悔嫁劉家良：歸咎於自己嘅選擇