陳山聰罕談曾戀何超雲變四失：大家嬲我係正常遭伍詠薇絕交最傷心與女星相遇被當透明

更新時間：14:00 2026-10-31 HKT
發佈時間：14:00 2026-10-31 HKT

TVB 視帝陳山聰在 2011 年戀上賭王三房千金何超雲，成為城中焦點。為了追求這段豪門戀情，他與前妻 Ponny（楊渡萍）離婚。熱戀期間，二人高調出雙入對，陳山聰更一度放棄事業，全程陪伴女友周遊列國、嚐盡美食。其後，陳山聰更拜會女方家長，現身三太大宅與賭王共餐。不過，二人最終在 2013 年分手。豪門夢碎後，陳山聰的財政陷入困境，加上面臨失業、失形象兼失戀，因而淪為「四失聰」。生活歸零的他選擇重返 TVB 拍劇，後來與從事美容生意的陳麗萍（Apple）結婚，並育有一子陳霆軒（Jaco），成功扭轉人生局面。

陳山聰罕談與何超雲拍拖眾叛親離

陳山聰日前接受好友梁靖琪（Toby）主持的網上節目《SpotiTalk》訪問。今年即將踏入 50 歲、步入「知天命」之年的他，大方重提當年那段轟動全港的風波。回望過去，在最落魄的時候，身邊的朋友幾乎全部離他而去。他坦言當時大眾和朋友對他的憤怒是完全正常的：「經歷過咁多嘢，大家嬲我係正常。你自己做得唔好，冇辦法㗎，咪唯有做好自己。我成日都講，既然改變唔到人，唯有改變自己。人哋對你點睇，I don't care. 做返好自己就得，其他嘢唔諗。」

陳山聰痛失伍詠薇友情最傷

當年與陳山聰絕交的好友之中，亦包括梁靖琪。她直言：「當時我同家姐都嬲咗你。」除了梁靖琪外，當年與他稱兄道弟的郭政鴻也曾勸他「唔好搞咁多嘢」；更有前輩直言他當時「唔係零分，係負分，負得好緊要」，對他重返娛圈極不看好。在眾多逝去的友情中，陳山聰坦言最令他傷心的是失去「家姐」伍詠薇的友誼：「喊實有，我真係無數個夜晚都希望可以同佢（伍姑娘）好返。呢個家姐，有段時間係同我好親近，冇咗係好傷心。不過緣份就是如此奇妙，之後喺機場撞返佢就和好。」

然而，與何超雲情斷後，面對排山倒海的負評與徹底摧毀的形象，陳山聰坦言當時別無他選：「當我喺屋企瞓喺梳化嗰陣，思考自己人生往後應該點樣行落去。當時我屋企樓下全部都係狗仔隊。沉澱咗幾日後，我叫自己要醒，而且得兩樣嘢可以揀：一係永遠消失娛樂圈，往後嘅人生亦唔知會點，玩完！二係你企返出嚟。咁我揀咗寧願企返出嚟，於是凌晨四點幾起身，避開晒啲狗仔隊去跑步，開始我另一個人生。」他續說：「跑步一來救咗我，二來有 Me time，可以聆聽自己，啟發同思考好多嘢。當再重新出發時就要諗，今次只許成功、不准失敗。」

曾志偉鼓勵陳山聰終奪視帝

回憶起重返 TVB 工作的第一天，陳山聰說：「雖然有 friendly 同唔 friendly 嘅人，但亦有好多人好好，同我講：『兄弟返嚟喇，大家當冇嘢啦！』背後話你是一回事，返得嚟就要努力，咁就十年。」在低潮期間，監製李添勝一口承諾會為陳山聰安排劇集，連「獎門人」曾志偉都親自關心、鼓勵他：「返嚟拍劇未呀？要返嚟繼續拍呀！」

陳山聰回巢後，接拍了《宦海奇官》、《張保仔》、《乘勝追擊》等多套劇集重新起步：「當時大大小小嘅角色我都做，客串、配角乜都做，攞返拍嘢嘅感覺先，唔使理其他聲音，唔使理任何嘢。」直到他憑《同盟》於《萬千星輝頒獎典禮2017》奪下「最佳男配角」，終於再次獲得觀眾認同。其後他更在《金宵大廈》系列，特別是《金宵大廈2》中演活精神病人、咖啡師等多個角色，最終在《萬千星輝頒獎典禮2022》以大熱姿態登上視帝寶座。陳山聰在台上得獎時一度哽咽，並特別感謝曾志偉、樂易玲及曾勵珍，形容後兩者是「執我返嚟」，並感概道：「呢個恩我永遠都記得，你兩個點樣雪中送炭！」

陳山聰與伍詠薇日本世紀破冰

陳山聰亦曾重提當年與伍詠薇反面的事及破冰過程。事緣陳山聰在 35 歲生日當晚，突然致電契家姐伍詠薇，並向對方說：「以後唔好再搵我！」伍詠薇即時回覆「好呀」，繼而於社交網不點名訴苦並公告與某人絕交，自此「姊弟」反目成仇。

與伍詠薇反目後，陳山聰憶述連陳敏之都當他透明，更激動大爆當年的「冷巷事件」：「呢一個 Moment 我永遠都記得！陳敏之喺條冷巷度迎面行過嚟，我同佢眼神交流，佢就真係嗰啲......人情冷暖，呢個我明白嘅。調返轉，將心比己，我都可能係咁！」對此，陳敏之亦曾尷尬澄清，表示當時是伍詠薇吩咐不可以理睬他。最終，陳山聰與伍詠薇「割席」5 年，二人直至在日本旅行時才迎來破冰契機。當時兩人剛巧都身處日本，陳山聰便主動聯絡伍詠薇食飯，對方竟然一口答應。二人於東京一間居酒屋見面，一見面就即刻相擁，一切盡在不言中。