住公屋=最聰明？港人列4點稱完勝私樓「幾百萬買個中產幻覺」 網民反駁：永遠係底層思維
發佈時間：15:05 2026-10-05 HKT
香港地少人多，房屋問題一向深受大眾關注。近日，有網民在社交平台發文，稱自己「住過公屋同私樓」，列4點直言住公屋完勝私樓，並諷刺私樓業主花數百萬供樓，只是為了買一個「中產幻覺」。帖文引起網民熱議，大批網民留言反駁，直斥樓主抱持的「永遠係底層思維」，即看下文了解詳情。
住公屋完勝私樓？ 港人列4大理由力撐「公屋完勝」
近日，有網民在Threads上發文，稱曾經住過公屋與私樓，體驗過後直言「真心覺得公屋完勝」，並笑稱私樓業主只是「幾百萬買個高級感」。樓主表示，公屋租金低廉，每月只需幾千元；相反，私樓業主每月需供數萬元，另加幾千元管理費，「戶口連半年緊急資金都冇，每日返工（似）狗一樣唔敢辭職。」
樓主又稱，公屋治安較有保障，「鐵閘硬淨過私樓對門，保安認得全棟人」；反觀私樓每月收取高昂管理費，「隔音咪又係爛，保安咪又係睡覺」。此外，在面對鄰里問題時，樓主直言公屋比私樓更有退路，「私樓鄰居有高空擲物、有嘈音大魔王、仲有半夜拉提琴嘅『中產』，重點係你幾百萬買返嚟仲要硬食，想搬都搬唔到。公屋鄰居就算極品，最低限度你可以申請調遷。私樓業主遇到惡鄰居，就只能一邊供樓一邊受氣。」
樓主總結，香港最聰明的人永遠是「住公屋然後將錢拎去旅行/投資嗰班」，更嘲諷私樓業主是「每月幫私樓業主供樓做租奴」，花費數百萬只為買一個「中產幻覺」，「都唔敢承認自己根本無能力享受『高CP值人生』」。
網民反擊：唔好以為全世界同你一樣
帖文引起網民熱議，有網民反駁樓主，「底層思維永遠係底層思維」、「邊個同你講住私樓就無錢旅行同投資，你廢，你唔得，就唔好以為全世界同你一樣」、「公屋完勝只有價錢，其他都係垃圾」、「即係你以前住私樓，而家住公屋，跌咗落地下揦返拃沙，你係咪覺得好快樂啊？」
但也有網民認同樓主，「雖然小弟未住過公屋，但你又無錯喎，公屋制度喺香港足足創造有兩代嘅財富階層，我睇住一啲朋友後生時因為有公屋保底，年紀輕輕就去做生意，輸晒就返間公屋停一停」、「過到資產審查我都想住公屋」、「公屋出生，最近買咗私樓，除咗壓力大咗之外，完全感覺唔到個人有咩高級咗。」
圖片及資料來源：Threads
文：Y
延伸閱讀：住公屋=社會底層？ 港人反駁「好多成功人士住公屋大」 網民揭「低成本翻身」關鍵：出身從來唔係定斷
