港女晒冷5款買餸車「實測比拼」！激讚「阿婆同款」車仔最實用網民撐︰跟佢哋買冇錯揭1款易中伏

生活百科

更新時間：12:56 2026-11-06 HKT
發佈時間：12:56 2026-11-06 HKT

在香港，不少市民外出購物或拎取如淘寶等包裹時，都會使用買餸車以減輕雙手負擔。近日有位女網民在社交平台上分享家中5款不同類型的買餸車，並逐一點評各款車仔的優劣，直言買餸車「真係好方便」，其詳盡實測隨即引起大批網民關注及熱議。

5款買餸車「真實用家評測」！港女力推「阿婆同款」車仔最正

日前有網民在Threads上看到有人討論「有買餸車=高級成年人」，因而分享個人經歷。她笑言自己「實質已經成為咗一個師奶」，但每逢買餸或拎快遞時「條腰好痛真係唔想孭住」，有架車仔的確方便得多，於是就大晒家中5架購物「戰車」。

從事主上傳的照片所見，家中一字排開共有5架買餸車，由左至右分別為兩款四輪硬殼摺疊箱車、一款印滿「三眼仔」圖案的深藍色5輪拉桿軟布車，以及兩款玫瑰金色四輪購物袋車，其中一個為袋身挺直的正版名牌瑞士品牌「HULKEN」購物車，右為則為外型較扁塌的淘寶仿款。

逐一點評車仔優劣批淘寶A貨拉帶軟瀨瀨

根據事主描述，左邊兩款硬殼摺疊車仔她都不太推薦，「因為真係幾阻住條路」，特別在狹窄的街市極為不便，但勝在「夠硬淨」，適合家長接放學時「掉埋個書包落去拉唔使孭住」或「拎淘寶都一流」。

至於中間的三眼仔軟布車，她則大讚是「最正」，表示「雖然平時街邊啲婆婆都係拎呢隻款」，但自己特意「揀咗三眼仔可愛啲，先衝破到個心理關口」，感覺「算係冇咁老土」，加上具備保溫效果，「平時落街買雪糕掉個冰袋落去就唔驚佢溶」。

至於右邊兩款玫瑰金拉袋，事主表示買淘寶仿款「中咗伏」，指「條帶正版硬淨勁多，拉起嚟冇咁嘥力」，反觀「假嘢嗰條帶軟瀨瀨，要轉彎成個手腕都發力咁滯」，裝重物拖兩小時「直頭feel到隻手好攰，真係極度唔建議」，並補充正版「HULKEN真係旅行用，又可以上機，摺得又細」。最後她總結指，「其實左邊起3款清潔都好方便，如果唔係整到好多血水，基本上抹一抹都搞掂」。

網民力撐「阿婆款」好推摺疊車評價兩極

帖文一出隨即掀起網民熱議，不少人留言力撐中間的「阿婆」款式，笑言「我都係用中間，勁好用，果然跟啲婆婆買係無錯」，並大讚5輪設計「推得好順」且保溫力強，「買滿一車凍貨可以行3個鐘都未溶」；亦有人笑稱「仲未衝破到自己心理關口，真係好阿婆feel」。

至於左邊的硬殼箱車則評價兩極，支持者盛讚「左一世一」，指其容量大、可水洗，「小朋友可以當凳坐下」，「啱晒行工展會果啲」或買米買紙巾；反對者則嫌它「極阻掟」又「好嘈」，推過盲人引路磚時更「驚蹬到啲樽會爛晒」。另外，不少用家認同右邊無牌仿款「完全得個樣，好難拉」，並提醒正版HULKEN適合裝「大嚿但重身的物品」，若裝大件輕身物且不裝滿，則容易反車。

資料來源︰katy.chy_@Threads