目擊同事中六合彩頭獎一刻 港男憶舊事：本可食過世 因一投資失誤打回原形｜Juicy叮
發佈時間：10:41 2026-09-17 HKT
近日有港男在網上發文，憶述自己當年親眼目擊同事核對報紙、驚覺中六合彩頭獎的一刻。可惜，這名幸運兒當年卻因為一投資失誤，遺憾由天堂跌回凡間，最終重回現實，再做打工仔捱世界。詳情見下圖及下文：
目擊同事中六合彩頭獎一刻 港男憶舊事：本可食過世 因一投資失誤打回原形逐張睇↓↓↓↓
睇報紙驚覺中頭獎
樓主早前（13日）在社交平台Threads以「六合彩頭獎」為題發帖，憶述在 2000年初於PR（公共關係）部門工作時的奇遇。
樓主指，當時每朝要睇報紙「剪報」，他與另一個同事坐在對面，看著看著報紙，對方突然「後背發直、整個人呆咗」。該同事抬起頭望著大家，口震震細聲講「我……我中咗頭獎」。
樓主指「嗰個年代幾百萬好大數」，同事好快「辭咗職，即刻去咗趟旅行」，之後再去外國讀書一年。
然而巨富並未為他帶來一世無憂，樓主爆料指，同事回港後「將啲錢拎咗去買基金，完全冇買樓」。
若干年後樓主聽番消息，對方因為「買基金蝕咗唔少，啲錢又用得七七八八，最後都要出返嚟搵嘢做」。樓主感嘆「如果2000年初嗰陣佢係揀買樓，結局可能完全唔同，始終買磚頭最實際」。
網民：買樓收租食過世
網民對這位幸運兒的遭遇深表認同，認為其錯失了當年極佳的上車時機。網民並化身精算師，指出「嗰陣時頭獎獎金係500萬元 可以買到兩層樓」，完美實現「兩屋食過世」的古老思想。
有心水清網民指出，2000年時「（將軍澳）新都城3房先至百零萬，買一間住兩間，而家最少都有兩千零萬身家」。
不少人分享靠磚頭翻身的例子，有網民指「我阿媽，中二獎，做咗首期上咗車，完」。
亦有網民分享在外國住 Homestay（寄宿家庭）的見聞，指屋主中獎後「即刻喺隔街買咗層樓自住，仲整多5至6間房繼續做homestay」。有網民分享中學老師的經歷，指其同學在沙士期間「買淘大，之後樓價翻倍賺到傻」。
網民分享：暴富後目中無人
橫財亦能看透人性醜惡，有網民分享「有個遠方親戚阿婆嚟嘅，中咗幾百萬」，兩個兒子各分得一些錢買樓後，自此目中無人。對方不但看不起其他親戚，「又話我哋基因差生得蠢，只好靠努力」。
結果這家人開食店幾個月，就聽聞因「自己人穿自己人櫃桶底」而極速結業。現在「其中一個仔之後去打工，另一個仔日日喺屋企買股票」，老了對住窮親戚抱怨自己「有憂鬱症、驚唔夠錢過世」，令人不勝唏噓。
網民分享：狂買靚車極速使晒
留言區亦有人分享見證極速花光巨款的案例，有網民指「有個英國朋友30年前中咗大約港紙600萬」，當時真是一筆巨款。但對方不識投資，也是「買大屋買靚車，之後玩咗一輪好快使晒」。
有網民則透露之前份工「有個廿歲出頭嘅後生仔中咗 40幾萬 六合彩，即刻辭工走人」。
更有網民因工作關係，在海外親眼見證兩人分別中「接近 3000萬」及「20多萬」巨款，更發現對方 Account（帳戶）「申請咗無耐」，感嘆「原來錢係咁易中」。
有網民感嘆「使錢容易賺錢難」，直言如果沒有理財能力，莫講話千萬，就算「一億都可以使晒，窮過未中之前」。
資料來源：patrickphotography＠Threads
相關閱讀：
夾份買六合彩又爆分彩金風波！7人合資買複式中獎「1原因」拒分錢 苦主：揀唔中號碼變罪人
小市民靈魂拷問 身邊有無人中過六合彩頭獎二獎？ 有網民揚言中過7000萬自爆近況
兩名六合彩頭獎幸運兒下場曝光 一人臨老唔夠錢使 一人兄弟反目兼...... 網民爆出更多一夜暴富後故事
連中3次六合彩袋近$6萬 幸運兒分享神奇報夢經歷 自爆去呢間投注站落注
