懷孕39周隨時生得 嫩夫上門幫中年前妻做呢件事 大肚港媽爆料：對方月入十幾廿萬 網民疑有古怪｜Juicy叮
發佈時間：10:37 2026-09-20 HKT
一名懷孕 39周的孕婦今日（20日）崩潰爆料，指其 29歲老公竟堅持在妻子生產前夕，上門幫 48歲中年前妻「做呢件事」。大肚港媽隨後進一步踢爆，指對方身家厚實，實際是月入十幾廿萬的「銀行女上司」。
這宗老公無分寸的風波引來網民質疑「事有古怪」，背後故事與人夫所持的理由更是極度荒謬。詳情見下圖及下文：
懷孕39周隨時生得 嫩夫上門幫中年前妻做呢件事 大肚港媽爆料：對方月入十幾廿萬 網民疑有古怪逐張睇↓↓↓↓
前妻：屋企電視遙控壞咗
樓主今天在社交平台 Threads發帖，指自己現時懷孕 39周，距離預產期僅剩7日。豈料此時，老公的前妻突然來電，聲稱「屋企電視機個遙控器壞咗」，著他上門幫忙修理。
最令樓主氣憤的是，老公竟然真的答應要求，樓主隨即表達強烈不滿，沒想到老公反駁指「係我有問題，係我心理上唔舒服，而唔係本身呢個作為有問題」。
氣得樓主在網上痛斥：「前妻 40 幾歲人，就算自己唔識整，都識搵師傅整啩？而我『老公』咁唔識得分寸，點搞呀？」
男方甘願做工人？前妻高薪背景曝光
不少網民對此大感震驚。有人大罵：「作為男人我都覺得攪錯。」並指遙控器冇乜好整，去買個百搭就得。
樓主回應指這並非首次：「漏水、壞嘢、開唔到機，全部都搵佢㗎，但我老公職業唔係做維修，佢前妻份人工，每個月十幾二十萬，都唔識得搵師傅上去搞㗎。」有網民質疑前妻身份，樓主隨即曝光前妻是「銀行女上司」。
雖然有網民指事件「有古怪」，但樓主卻表示「無古怪」及「我肯定 100% 唔係婚外情」，只是老公願意做工人，因為老公辯稱「佢個仔有份喺嗰度住，有份睇部電視」，所以覺得必須回去維修。
網民大鬧離譜：這款老公要獲得成就感
有過來人透露自己老公亦是同款，對方是個有夫之婦的朋友，即使吵架萬次亦不覺自己有問題，感嘆問題從未解決。樓主對此大表認同，直問同款老公是不是「覺得幫人做嘢獲得成就感」。
面對臨盆在即的關頭，丈夫卻依然認不清家庭的優先次序，難怪有網民叮囑樓主：「好好照顧自己，唔好要媽咪擔心呀。」
資料來源：sis_whl＠Threads
相關閱讀：
人妻照顧老爺奶奶至終老即被飛 渣男辦完後事極速變臉 網民心寒揭開「婚姻最勢利一面」
丈夫有外遇兩老「幫親不幫理」 人妻慘遭「連人帶B」趕走 老爺狠放話惹公憤 網民點醒：新抱永遠係外人
私家偵探大爆捉姦故事 人夫帶球拍密集式打羽毛球 憑一蠱惑招打到上大角咀酒店
