新婚妻驚揭老公揼邪骨兩年 昔日「當親女」奶奶變臉護短 一句冷血怪責看清男家虛偽面目｜Juicy叮
發佈時間：10:40 2026-10-15 HKT
婚前當你係寶，婚後當你係草。一名驚揭丈夫出軌「揼邪骨」的新婚人妻近日崩潰大呻，出事後向當初承諾「當正你係女」的奶奶求助時，對方反而變臉護短，力撐親生仔，並冷冷拋出的一句怪責說話，男家虛偽面目即時看清。詳情見下圖及下文：
新婚妻驚揭老公揼邪骨兩年 昔日「當親女」奶奶變臉護短 一句冷血怪責看清男家虛偽面目逐張睇↓↓↓↓
婚前許諾「當親生女」 驚揭出軌即變臉
樓主早前（14日）在社交平台 Threads發帖分享個人經歷，透露自己與丈夫拍拖 4年，才剛新婚不夠 1年。她一直以為自己與男家關係良好，皆因未結婚前，奶奶曾口口聲聲承諾：「如果我老公做錯咩事，佢哋一家人都會企喺我嗰邊，話佢哋一家人都好錫我，當正我係女。」
豈料兩個星期前，事主意外發現丈夫原來在兩年前已經開始「出去玩（邪骨）」。驚悉枕邊人背叛，更叫她難堪的是奶奶得知後的反應。奶奶不但沒有責怪兒子，卻是反問事主：「你做咩咁蠢睇佢手機？」
樓主：外人始終係外人
這句「靈魂拷問」讓事主徹底心碎，悲嘆：「我覺得好傷心，唔只係我老公做呢啲嘢，仲要係佢屋企人其實一直都冇當我係自己人。」更認清現實：「親生永遠都係親生，外人始終都係外人。」
樓主進一步透露，自己平日對夫家極好，「我係每逢過年過節，父親節母親節都會同佢哋慶祝加買禮物買蛋糕慶祝」，可惜真心換絕情。她並稱：「冇小朋友，其實我呢排日日都係同佢講緊要離婚，跟住佢係都唔肯離婚，糾纏幾個鐘頭，我都好攰」。
網民：信奶奶會幫媳婦？
網民對事件有極大共鳴，留言區群情洶湧，怒斥奶奶護短行徑「好噁心」。對於事主誤信奶奶的承諾，網民熱心點醒：
•「做得人阿媽就要厚面皮，仆心仆命為自己仔女，有啲咩係做唔出？」
•「奶奶點會唔幫自己個親生仔。」
•「你 99（意指奶奶）講得啱，你真係蠢，居然信 99 會企你嗰邊。親生仔就係親生仔，你幾時見過要新抱唔要仔？」
•「奶奶永遠都當新抱係外人㗎，你太傻啦。」對此，事主亦無奈認同：「啱呀☹️」。
網民勸「早走早著」
有網民理性分析，奶奶能如此冷靜，背後可能另有隱情：「可能你奶奶同你老爺咁多年，就係咁過嚟呢？又或者當年你老爺出軌你奶奶又係開一隻眼瞇一隻眼呢？奶奶咁樣同你講，你問下你自己過唔過到自己啦。」
過來人：不要信男家說的話
更有過來人痛心分享自身經歷，勸喻世人不要輕信男家承諾：「不要相信男家所有人說的話。」
這位網民稱「我奶奶當初氹我生小朋友時夠話全部由佢湊，我負責返工就得。點知生咗後，就算我啱啱個肚開完刀，個傷口仲未好返都好，半夜都係得我一個餵奶換片。」
「原來佢意思係只要我喺屋企，佢係絕對唔會湊 BB。到我放完產假返工，佢要我放工後即刻返屋企，但從來都唔會要求我老公湊。從此之後，我就慢慢開始討厭呢一家人。」
網民撐事主「止蝕」離婚
網民一致力撐事主「止蝕」離婚，直言出軌只有零次與無數次：「早走早著，有第一次絕對有下次，喺我身邊見到嘅無一個會真心回頭，全部得個講字。身邊見過一個忍到最後，隻佬係玩到喺大陸多咗頭家仲生埋仔。」
資料來源：peaceeeeeeeeplease＠Threads
相關閱讀：
20年婚姻觸礁 丈夫出軌4子人妻 正室握證據擬音樂會截擊 網民叫停 傳授反擊三部曲要佢一無所有
丈夫有外遇兩老「幫親不幫理」 人妻慘遭「連人帶B」趕走 老爺狠放話惹公憤 網民點醒：新抱永遠係外人
40歲港妻老公出軌「直播」攤牌 對方咁反應 網民獻「教科書級」攻略自保
