重陽節｜守墳場一晚巡4次 90後港男自揭「陪行者」內幕 掘落葬窿前輩驚悚加碼：修墳見怪煙……｜Juicy叮
發佈時間：13:00 2026-10-18 HKT
今天是農曆九月初九重陽節，不少孝子賢孫前往各區墳場掃墓。一名 90後港男曾守墳場夜更，一晚巡足 4 次，在網上自揭巡山驚見「陪行者」的秘辛內幕。如此經歷引來「掘落葬窿」前輩加碼爆料，自爆曾於修墳時見到怪煙……詳情見下圖及下文：
重陽節｜守墳場一晚巡4次 90後港男自揭「陪行者」內幕 掘落葬窿前輩驚悚加碼：修墳見怪煙……逐張睇↓↓↓↓
守墳場夜更 巡山驚見「陪行者」
樓主早前（16日）在社交平台Threads發帖，詢問大家「各位大佬有冇返嗰啲聽都未聽過，或者聽到都唔會想返嘅工」，隨即自揭以前守墳場夜更「晚8朝8」，一晚巡 4 次山的經歷。
身處墓地，樓主直言實況並非想像般恐怖，反而遇到特別的伴侶：「認真動物多個人同鬼，佢哋仲會陪你行。」
有網民好奇追問「狗同貓同你一齊行？」，樓主還原超萌一幕：「佢哋好似接力咁，狗一段，貓一段，雀仔一段。啲師傅話你條巡邏路線佢哋仲熟過你，剛剛開始唔熟路跟動物行仲快。」
網民大讚「有動物陪同不知幾好」、「講真要感謝墳場浪浪，有狗陪住個心定好多」。
樓主也大方公開巡邏主要「Check（檢查）兩樣嘢」，分別是「有冇嘢損毀壞咗要記錄上報」及「清場」。他坦言清場時「有啲老人家會拜到好夜」，隨即引發網民感嘆：「人麻煩過鬼」、「可能鬼仲易相處過人。」
網民大讚筍工：我呢啲社恐好想返
貼文引來網民瘋狂追問待遇：「返墳場好唔好 Pay（薪酬），我呢啲社恐好想返」。不少人直言這份工作遠離是非，根本是 I人（內向型人格者）的夢幻筍工：「啱晒 I人」、「職場係唔講嘢嘅先人多過X人（壞人）」。
有曾做過大半年墳場外牆翻新工程的網民留言，指現場情況非常正常，平時「啲人過嚟好似行山晨運咁」。
他分享唯一一次要留到晚上 7 點多的驚險體驗：「嗰度個天已經黑晒，但係都除咗自己驚之外好似都冇事，因為嗰度夜晚係冇燈嘅，唯一嘅燈就係綠色嗰啲出口牌。」
留言區還有不少人安慰樓主，「好羨慕你有此膽量」、「朋友，心正就得眾生扶持」。
掘落葬窿前輩加碼 修墳驚見怪煙
在一片討論聲中，一名曾於 2008 年任職「掘落葬窿」的前輩網民加碼大爆入行秘辛，指自己「以前掘落葬窿，08年，仲記得底薪$350，一日掘到兩個，加多$400，夜晚坐老闆車修山墳，後尾執埋骨」。
他坦言在部分墳場工作時相安無事，但一轉到另一墳場修墳時，便親歷多次無法解釋的異象：「去到修墳就見唔少，白影，黑影，透明人，一團一團嘅古怪煙。」
資料來源：_rayqq222_＠Threads
柴灣墳場請通宵看更 愛「這運動」優先聘用引熱議 網民：要keep住有人氣？
拜山遇墳場老鼠-大嬸自備環保袋專偷一樣嘢-醒目清潔姐姐跟咗你尾好耐
闖墓地偷吃清明祭品 野豬滋味食到JapJap聲 修樹工人講出墳場祭品去向真相
趁燒冥鏹時落手 荃灣拜山燒肉祭品疑被偷 網民因一理由指係好事
