花20年上車住1年閃賣 港男醒悟：「以為買咗個家，原來買咗個枷鎖」 引全網追問：層樓賺定蝕？｜Juicy叮
發佈時間：10:32 2026-10-25 HKT
買樓隨時驚變噩夢開始。有港男在網上自爆上車後速速斬纜，指自己奮鬥20年終於置業，但入住僅一年便決定變賣，重奪自由。
他更發表拒做樓奴的大徹大悟金句「以為買咗個家，原來買咗個枷鎖」，並於賣樓後隨即裸辭。貼文引來網民好奇，追問賣樓到底賺定蝕。詳情見下圖及下文：
花20年上車住1年閃賣 港男醒悟：「以為買咗個家，原來買咗個枷鎖」 引全網追問：層樓賺定蝕？逐張睇↓↓↓↓
樓主：以為買咗個家原來係枷鎖
樓主昨天（24日）在社交平台 Threads以「裸辭」為題發帖，自爆「花20年終於買到樓，住咗1年就賣咗」。他親身體會置業一年後，大徹大悟醒覺：「仲以為買咗個家，原來係買咗個枷鎖」。
樓主決定打破枷鎖重奪自由，並在賣樓後隨即裸辭向公司遞信，霸氣高呼：「最後我選擇咗自由，CXS公司bye bye（再見）！」
網民好奇：有賺嗎？
貼文引來網民關心其交易帳面，追問：「賺咗幾多放？」、「有賺嗎？」及「贏定輸？」；有網民留言猜測物業類型，直言「納米樓不了」，更有人建議「開放式係買嚟放租」。
惟樓主拒做包租公，直言放租回報極低，不如買債券：「放租唔搞啦，咁低回報，扣晒得3厘唔夠，買債好過。」有網民附和指「遇著麻煩租客簡直搵自己嚟攪」。
不少網民都大讚樓主勇於斬纜，恭喜脫離苦海，留言直呼：「及時止損醒目」、「時勢造英雄」、「有讚就得啦，恭喜」。有人安慰：「師兄，都喺度開心過呀，會有機會再買嘅，加油！」樓主對此大方回覆「多謝」。
網民：供樓幫銀行打工
有網民指出，買樓供樓根本是「資本主義陷阱，幫銀行打工」，一世人為層樓做奴隸。大批深受高樓價摧殘的打工仔滿有共鳴，有人更讚嘆樓主能擺脫這個一生緊箍咒：「樓主幾勁，破到緊箍咒。」
甚至有備妥買樓資金的網民坦言，看完樓主的遭遇後更加心驚膽顫：「我都儲咗20幾年錢，一直都想買樓，但已經有能力買，又卻步。」
另一方面，有人抱持務實態度，善意提醒「有地方住唔使租就好」，認為賣樓後始終要面對居住現實。
資料來源：hingkatsang＠Threads
相關閱讀：
已花$40萬租樓 無殼蝸牛心思思置業 網民激辯上車利弊 一突破傳統買樓新思維冒起
月入過10萬育兩子一直無買樓！高薪港媽憂老來陷住屋死局 引網民爭辯中產置業陷阱
公屋妹憑老豆一句話「碌卡上車」逆襲買幾層樓！借錢助老公置業掀時代紅利激辯
