30歲公屋男被設局氹買樓？阿媽突爆「幫你儲咗60萬」 得知背後「溫馨提議」即拒絕｜Juicy叮
發佈時間：08:02 2026-10-26 HKT
一名月入18K、自認「住公屋住一世冇問題」的30歲男網民，在社交平台發帖分享自己「人生第一次同屋企人say no」的經歷，事件起因於母親突然透露的一筆「神秘儲蓄」，但隨之而來的「聯名買樓」提議，卻讓樓主敏銳地察覺到背後的巨大風險。
5000元家用變「60萬首期」 買樓提議背後有玄機？
樓主透露，自己由第一份工開始，無論人工多少，每個月都會風雨不改地交5000元家用。全家人關係一直很好，與父母、33歲家姐以及家姐13歲的女兒，五口同住於一個公屋大單位內，家姐和姪女同房，樓主與父母則各有自己的房間。
一日，阿媽與家姐突然正式向他表態：「你翻咗咁多年工，阿媽每個月同你儲5000蚊......依家你戶口都差唔多有六十幾萬。」阿媽表示，因為家姐的女兒長大了，需要更多私人空間，因此提議「大家夾份供，未來有自己空間」。樓主一聽便深知不妙，意識到家人的算盤是：「拎我啲錢做首期，名就我同家姐，然後我哋兩個供......」
雖然表面看起來理所當然，但樓主冷靜思考後，認為自己要背負的風險實在太大，於是當場婉拒了提議。
樓主理性分析：「供樓係大錢，我玩唔起」
樓主解釋，自己月入18K，平日戶口存款從不超過1萬元，屬於「有幾多使幾多」的類型。對於這筆突然出現的60萬元，他雖然感激，但立場非常堅定：「我俾家用係我應該......我已經表明呢60萬我俾咗阿媽就係阿媽嘅，阿媽鍾意拎嚟點用，我冇問題，我唔要錢，但係要我供樓就一定冇可能。」
他更坦言，平日自己對家庭不遺餘力，甚至「姪女五歲前有一半奶粉錢都係我出」，但涉及到長達數十年的供樓債務，他必須畫清界線：「屋企人要幫手冇問題，但係要訓身幫嘅話，就一定冇可能......供樓係大錢，我玩唔起。」
網民反應兩極：阿媽體貼 vs 語言藝術設局氹買樓？
帖文引來大批網民熱議，有部分網民認為樓主的母親已經十分體貼和公道：「阿媽只是用你之前俾家用的錢買樓，沒有叫你另外俾錢，其實你媽對你哋好體貼。」「阿媽算係咁，在你唔知唔覺下幫你儲到60萬做首期......」
不過，絕大多數網民卻站在樓主這一邊，指出這其實是利用「語言藝術」來哄樓主入局的手段：「家用就係撥出去嘅水，咁講只係等你感覺間屋你有份。咩幫你儲左六十萬只係語言藝術，阿媽只係想你幫佢地供樓。」「專登強調『呢60萬係幫你儲嘅』, 本質上係想利用『拿回自己錢』嘅心理誘餌, 哄樓主落水負擔未來嘅供樓責任。」
網民更質疑，家姐同樣有交家用，卻因為要養女兒而沒有儲蓄，若層樓寫了樓主與家姐的名字，家姐一旦供不起，責任將全歸樓主身上。「你家姐自己養女又冇乜錢，層樓咪即係你供、千祈唔好制！」
網民列三大危機：千萬不要聯名
有不少網民現身說法，列出「聯名供居屋」將會面臨的致命危機，首先是未來結婚、分家成死局：「你第日有機會結婚嘅，係咪？你諗清楚……如果你有一日遇到 Mr or Mrs Right 要一齊置業，到時點？」「冇女仔想同姑奶+佢個女一齊住㗎。」另外，不少網民提醒如樓主以綠表抽居屋等同放棄公屋福利：「公屋綠表轉居屋，要全部人簽名，抽到要全部人走，你都無得住㗎啦。而且亦會當你已享受左住屋褔利，你自己無得再排公屋同抽居屋㗎啦。」
最後，有網民亦擔心若聯名供樓，最後有可能因財失義，連家人都無得做，有網民分享自身血淚史：「千萬不要有錢銀瓜葛。否則將來一定會因財失義，分分鐘兩姐妹都無得做。」 甚至有人提議，家姐是單親媽媽，其實更應該嘗試分戶或申請單親家庭公屋福利，而不是拉弟弟下水。
樓主：家用會照給 供樓絕對不考慮
在眾多留言中，有網民貼出AI對此事的理性分析，獲得大量讚同：「你個感覺係啱嘅，一啲都唔自私......真正健康嘅親情，應該容許大家講No，而唔需要用內疚去維持。」AI分析指，這60萬元本質上是樓主用自己18K的人工、過着緊絀生活省下來的「十年青春同克制」。一旦聯名供樓，不僅失去了未來的首置身份，按揭更會成為綁死一生生活質素的債務。
樓主最後回應表示，自己已經非常理性地向家人分析所有利弊，並重申家用會照給，但供樓絕對不考慮。
來源：Threads
延伸閱讀：現居公屋再花200萬買舊公屋！39歲港爸揭一原因上車 網民由嘲諷變體諒
