50歲雙碩士港男失業兩年 移居深圳求職竟獲「稅後2萬」筍工？網民酸爆掀罵戰｜Juicy叮

近年不少港人北上消費甚至移居生活，一名自稱擁有「雙碩士學歷」的港人在Facebook上分享回內地重新求職的經歷，事主聲稱在港已失業兩年，現在年近半百，移居深圳原本打算「躺平」，沒想到竟在當地找到一份稅後月薪逾兩萬元人民幣的工作，更勸勉港人「唔一定死守香港」，帖文掀起網民熱議。

雙碩士港男裸辭北上 意外重返職場稱「港人仲有競爭力」

該名樓主在Facebook發帖表示，自己擁有「雙碩士學歷，前年裸辭失業近兩年」，眼見在香港求職無門，而且「年紀就來50歲」，便決定移居深圳，原本「唸住躺平」，怎料因為覺得「早退休原來好悶架，所以返職場」。他透露上個月在深圳成功找到一份新工作，「月薪稅後2皮幾人仔」。

雖然樓主坦言這份薪水「比起香港當年就真系低好多」，但他認為「勝在內地生活開支便」，因此向一眾網民派定心丸：「大家其實唔一定死守香港架，退一步就有出路，內地雖然競爭大，但香港人係內地仲有競爭力！」

網民極力質疑：係香港搵2年搵唔到，係深圳可以搵到？

不過，這篇看似勵志的「50歲北上求職」分享，卻引來大批網民洗版式質疑，不少熟悉內地職場的網民指出，35歲以上人士在內地求職亦不容易，加上內地不乏高學歷人才，質疑已屆50歲的樓主「吹水唔抹咀」、「9吹無成本」。

有網民直指：「係香港搵2年搵唔到，係深圳可以搵到？個內容假到無朋友，果邊35歲以上基本上就好養（難）搵嘢做，大把高學歷都到送外賣，仲要話搵2萬，其實你知唔知出得起2萬人仔係咩職位，作文係好d啦。」有網民反問：「內地35+都唔會請，仲請50，你會信嗎？」、「果邊連請個侍應保安都要年輕貌美後生仔......」

為了反駁樓主的「雙碩士」光環，不少網民紛紛搬出身邊的真實例子對比：「咪喺我細佬之前識咗個上海女，人哋博士學位，做電腦三十幾歲佢話預備緊畀人裁員，人哋都係搵萬零蚊，你咁嘅料有兩萬幾？」、「大陸朋友PhD，在（大型互聯網科技公司）都係搵萬幾蚊，你憑乜嘢？」、「我有3碩士，而家都量緊地」。有網民更看到樓主開頭自稱雙碩士，忍不住幽默調侃：「第一句我以為睇緊食神」，甚至有網民抓著樓主將「開支平」寫成「開支便」的字眼，嘲諷道：「開支乜便？大便？」

面對排山倒海的質疑，樓主起初僅淡定拋下一句英文：「Believe it or not！」當有網民提醒他「記得交足五險一金，到時剩返一萬蚊左右」時，樓主亦隨即反駁：「你冇看清楚，係稅後啊」。

事主現身反駁：「Believe it or not！」拒透露工種惹胡亂猜測

由於樓主在帖文及留言中始終未有公開自己的具體行業與職位，令一眾網民的好奇心爆棚，紛紛留言追問：「請問樓主什麼行業？」、「講講乜嘢工？畀大家多啲啲指引，齋講冇工作範圍，人哋認為唔知堅定流？」

在缺乏真相的情況下，網民的想像力開始無限延伸，有網民猜測是否去送外賣，亦有網民陰謀論地懷疑樓主可能誤墮求職陷阱或被利用：「搵佢做替死鬼、法人，奶屎上身就有......50歲請個失業2年普通話都講唔正既香港人，大陸請嚟都唔會係做野啦。求其一個做幾十年部門主管都未必有！」、「2皮嘢咪公司keeper囉！一年半載黑頭套上鏡嗰隻囉」、「利用香港身份洗黑錢，明？比如呃大陸佬買香港保險。」甚至有網民搞笑留言問：「係咪響商廈天台開會傾杯麵project？」、「係咪要返柬埔寨架？」

港人內地求職有何優勢？事主：思維、管理

當有人好奇查問內地公司是否很「內捲」、香港人到底有什麼優勢時，樓主則大方回應指：「後生競爭會大D，好似我地有一定經驗只要公司覺得係拒地需要既基本唔會」，並強調香港人的核心優勢在於「思維、管理，同大陸內地真係好唔一樣」。

此外，討論區亦意外掀起關於學歷價值的分支討論，有網民感嘆自己團隊平均碩士學歷，但「無MBA乜都假，基本上升職空間無乜之餘，仲要比班商業L睇小」，樓主隨即霸氣搭嘴：「MBA？乜你覺得MBA有用？根本MBA全部都係廢得個名，EMBA我話你叻，course價錢都唔一樣啦！」

兩萬人仔算高定低？網民熱議「生活質素與大灣區規劃」

除了真偽之爭，另一個罵戰焦點則落在「兩萬元人民幣月薪是否值得自豪」。有網民冷嘲熱諷：「你搵得2皮幾都叫有競爭力？」、「雙碩士學歷 三十年工作經驗 兩皮」。

這番言論隨即惹來樓主火大反擊：「呢個年紀想點？你覺得你係香港兩皮幾可以生活？呢度兩皮幾人仔算唔錯，但香港叫窮人，你得咩問題係！所以取笑人之前先照下自己先！」當對方回敬一句「咁你繼續打飛機」後，樓主更毫不客氣地開火：「因為你根本連資格都冇，你CV send出去人地當垃圾廢紙啦」。

不過，留言區內亦有不少心水清的網民替樓主說公道話，認為不能直接用香港的物價與薪金水平去衡量內地：「2萬人仔，係內地來講唔多，但都唔少，要睇行業，同歲數。唔係郁啲就話人打飛機」、「成日用香港人工來計。兩皮一個月好夠洗啦。」亦有曾住深圳的網民分享經驗：「稅後兩皮幾喺大陸算高人工，深圳生存成本更低，我以前租住深圳，自己煮一個人，連$40已經可以兩餸一湯，係豐富嗰隻。」

與此同時，有正在過「雙城退休生活」的過來人則理性分析指，內地兩萬多元薪金雖然相對高，但關鍵在於香港是否仍有經濟負擔：「係香港打工揾開5皮，供樓供書教學責任未完绝對唔會裸辭，你裸辭原因係乜，係關鍵，要做返2萬的工，咁香港負擔又點搞掂。」他分享自己手持兩百多萬退休金、在香港供完樓及完成兒女教育責任後，才敢返中山買1500呎大屋嘆世界，坦言內地這份收入「夠內地生活唔夠香港用」。

這場由一個「50歲雙碩士深圳求職」帖文引發的網絡大戰，到底樓主是真正憑藉香港管理思維殺出重圍的職場奇葩，抑或只是網絡世界的又一篇「引戰post」？恐怕只有樓主自己最清楚了。

來源：裁員炒人消息關注組＠facebook

延伸閱讀：51歲低學歷夫婦失業！僅持110萬現金＋居屋徬徨問出路 網民獻計：回內地「一招」月收萬五兼做大爺？