蔡天鳳碎屍案｜蔡失聯李瑞香質疑太早報警 譚方駿指轉移視線為甩身

28歲名媛蔡天鳳（Abby Choi）2023年2月疑遭殺害後碎屍肢解，蔡天鳳前夫鄺港智、前家翁鄺球、前夫兄長鄺港傑被控謀殺及阻止合法埋葬屍體罪。案件踏入第16日審訊，蔡天鳳丈夫譚方駿指他在蔡天鳳失蹤後十分擔心，「我有係咁打電話俾佢」。他憶述下班回到加多利山單位後，最深刻記憶的是蔡天鳳前家姑李瑞香曾稱「人哋可能想要錢啫，你咁快報咗警」。譚方駿認為李瑞香當時是為了轉移視線，「佢可能想搵啲嘢令自己甩身」。

憶李瑞香稱：人哋可能想要錢啫，你咁快報咗警

譚方駿供稱，蔡天鳳自案發當日下午兩時許沒有再回覆其訊息，他十分擔心，「我有係咁打電話俾佢，但係無人聽」。譚當晚6時下班，6時半回到加多利山單位休息，他看到李瑞香、鄺港傑、鄺港智均在單位內，但蔡天鳳及鄺球不在場。他問屋內所有人知否蔡天鳳行蹤，令他最深刻的是李瑞香曾稱「人哋可能想要錢啫，你咁快報咗警 」。

相關新聞：譚方駿稱蔡當日下午2時起失聯 共享位置顯示手機在大埔

認為李瑞香欲轉移視線甩身

譚方駿理解李瑞香表明蔡天鳳「個人唔見咗，人哋（綁匪）未聯絡你，你就去報咗警」，認為李瑞香希望轉移視線，拖延他報警的時間，「佢可能想搵啲嘢令自己甩身」，欲指自己與鄺家所作所為無關。

鄺港傑先稱不知蔡去向 後說大埔中心下車

鄺港傑當日駕車接送蔡天鳳，譚方駿指他下午多次致電鄺港傑，鄺港傑有時不接電話，譚方駿問鄺港傑：「知唔知Abby係邊度？」鄺港傑回覆：「唔知」。但最終鄺港傑交代蔡天鳳在2023年2月21日最後在大埔中心附近下車，亦交代蔡天鳳已叫李瑞香接女兒放學。

鄺氏兄弟與李瑞香被問蔡行蹤表現漠不關心

譚方駿形容李瑞香、鄺港傑、鄺港智被問及知否蔡天鳳行蹤時表現平淡，「完全唔似擔心」，「感覺佢哋好似唔係好著緊」，譚稱：「我唔會估到係佢哋一家做㗎嘛」。譚方駿當晚在蔡天鳳缺席下出席友人飯局，回家後發現蔡天鳳仍未回家，遂致電蔡天鳳母親張燕花，張燕花不知蔡天鳳去向。

張燕花致電鄺港智稱因蔡失蹤報案好正常

譚方駿指蔡天鳳「成個人唔見咗，消失咗」，手機無信號，譚方駿便與張燕花一同到長沙灣警署報警。張燕花在警署致電鄺港智時，他在旁聽到張燕花向鄺港智指：「你仆街呀！你先仆街呀！我個囡依家唔見咗！報警好正常啫」，張燕花亦嘗試尋找鄺球去向。

向鄺港傑確認蔡落車處感覺被帶遊花園

譚方駿供稱，案發翌日下午3時許透過訊息聯絡鄺港傑「我想問你有無佢（蔡天鳳）準確落車位置」，鄺港傑回應「Halo譚仔，我可能要兜返去附近先記得」，形容當時是「我順路擺底（蔡天鳳）」、「我剩係記得好多商場」，因為「佢想落車，唔係想去邊個商場」。譚方駿庭上直言「我好懷疑囉，準確位置唔記得都唔緊要」，惟覺「佢(鄺港傑)帶緊我遊花園」，因而問鄺港傑「會唔會係大埔中心呀」，惟鄺港傑「到今日佢無俾到準確邊個位落車」。

譚接警電告知鄺氏可疑提醒盡快分開

譚方駿透露，他隨後問鄺港傑當日會否接小朋友放學，並約鄺港傑在接小朋友前「去一去大埔」，由鄺港傑指出蔡天鳳最後落車的位置。其後，二人與警方的失蹤人口調查組前往大埔，鄺港傑「當時嘗試展示俾我睇邊到落車」，惟僅指出大概位置。直至小朋友放學的時間時，二人駕車離開大埔，當私家車駛至馬場時，譚方駿接獲警方來電指「我哋而家極度懷疑佢哋（鄺家）一家人，包括鄺港傑」，因而要求譚方駿叫鄺港傑折返大埔，更提醒譚方駿「你而家快啲離開佢」，最後由譚方駿自行接小朋友，鄺港傑則在折返大埔後被捕。

稱回想鄺港傑說話發現「引我去另一度」

代表鄺港傑的大律師Trevor Beel盤問譚方駿時，譚方駿指他認為鄺港傑在2023年2月22日向他傳送的訊息「好懷疑」、「兜圈咁」，直至鄺家父子被捕時，其「危機意識湧上來」，才知鄺家是疑犯。譚方駿稱回想起鄺港傑與他的對話，才發現鄺港傑的回答「引我去另一度」、「瞞緊我」。

譚報案後遭李瑞香質疑「點解咁早報警」

Trevor Beel指，案發當晚6時許譚方駿回到加多利山單位時，除了女傭在場外，沒有其他人在場，及至7時左右鄺港傑、鄺港智及李瑞香才回到單位。譚方駿回應，當日下班後在單位沙發上睡着了，「我當時183磅左右，同埋我當時有嚴重嘅脂肪肝病，個陣我好需要休息」，沒有留意鄺家人回到單位的時間，更指當時「我完全唔知係佢地夾埋一齊做（殺害蔡天鳳）」。譚方駿隨後於7時半左右離開單位，晚上到警署報案後，返回單位見到李瑞香，李質疑譚方駿「點解咁早報警」。

鄺港傑、鄺球、鄺港智同被控1項謀殺罪及1項阻止合法埋葬屍體罪。控罪指3人於2023年2月21日，在大埔汀角路龍尾村56B村屋地下內謀殺女子蔡天鳳，並在2023年2月21日至23日期間，於同地阻止合法埋葬蔡天鳳的屍體。三人否認謀殺罪，鄺港傑及鄺港智承認阻止合法埋葬屍體罪，鄺球則不承認阻止合法埋葬屍體罪。

案件編號：HCCC198/2025
法庭記者：劉曉曦 黃巧兒