沙田早晨│「鑽飾閃耀」阿廖食指動
更新時間：15:40 2026-10-27 HKT
發佈時間：15:40 2026-10-27 HKT
發佈時間：15:40 2026-10-27 HKT
字體大小
「鑽飾閃耀」上季至今六戰全敗，表現最好一次是跑四班泥地千二米得第五，也是唯一次有獎金收，雖然在泥地獲得甜頭，不過幕後未有再安排出爭泥地，反而頻頻跑草地，減分心態多於一切，今次落班即跑番泥地擺明有計，而此馬今朝操練後廖康銘更匆匆去接馬。
應龍飛影騎練咬耳仔
今朝伍鵬志與艾兆禮一度行埋傾大計。
「應龍飛影」季內兩度出戰谷草，表現俱稍欠理想，今次初跑泥地重用唯一贏馬拍檔艾兆禮，再睇馬匹近兩次試泥閘獲一亞一季，場地性能值得憧憬，伍鵬志現時居練馬師居榜首，簡直集有利條件於一身，尤其昨今朝騎練一度行埋傾大計，更顯得今次爭泥來者不善。
高士威勁輝哥落隧道
今朝課前姚本輝跟住「高士威勁」出跑道，操後更急不及待走落隧道底接馬。
今朝有兩匹參戰馬到大圈出試，包括姚廄「高士威勁」同徐廄「鑽石星空」，其中前駒更成為焦點，原來姚本輝緊張到不得了，課前已跟住此馬出跑道，到操後甚至急不及待走落隧道底接馬，再看「高士威勁」上仗初跑泥地立即贏馬表現出色，今仗添食唔意外。
華麗再勝成哥搵袁妹
今朝沈集成一度捉住袁幸堯傾談。
「華麗再勝」開季時遠征南韓跑得接近的第五名，上次係回港首戰，跑泥地一哩臨場票數冷落，可見信心有限，但輕描淡寫跑近，與亞軍「精英雄心」只相差個多馬位，熱完身再來，今戰用袁幸堯減磅甚似樣，睇埋今朝沈集成一度捉住袁妹傾談動態積極，值得看好。
最Hit
