港人深圳皇庭廣場購物疑被劏轟店員亂秤「呢度已經唔去得」網民笑言另1原因更趕客？

更新時間：19:14 2026-08-13 HKT
發佈時間：19:15 2026-08-13 HKT

港人北上深圳消費熱潮持續，但旅遊區的消費陷阱亦時有所聞。近日，有港人在社交平台發文大吐苦水，指在深圳皇庭廣場購買牛肉乾時，疑遭店員刻意「亂秤」及強行加碼，質疑當地部分商戶專門針對港人，直言「我諗呢度已經唔去得。」事件引起網民熱議，有過來人分享相似經歷，指遇到不合理推銷時應果斷拒絕，「遇到的話直接唔俾錢走人就可以」，即看下文了解詳情。

港人深圳皇庭廣場購物疑被劏轟店員亂秤「呢度已經唔去得」

事主在社交平台發文，稱早前北上到訪位於深圳福田區的皇庭廣場，惟遇到不愉快經歷，並直言該商場「已經唔去得」。事主，當日光顧其中一個商戶購買牛肉乾，發現店員在過磅時手法取巧，不僅「亂秤」，更在未有詢問顧客的情況下「專登落重啲」，企圖以此手法「局你買多啲」。他又質疑，當地部分商戶因為知道消費者大多是來自香港的旅客，「知道太多香港人已經係度劏客」，面對這種變相強迫消費的行為感到相當無奈。

網民教路「直接唔俾錢走人」笑言另1原因更趕客？

帖文公開後，隨即引起大批經常北上的網民共鳴。不少網民指出，這類營商手法主要集中在部分商戶，「嗰幾間買小食係出名專湯（劏）遊客」，認為並非單一商場的問題。有網民分享自身類似經歷，稱購買前已經問清楚價錢及份量，惟秤重後價錢突然變貴，「我上次買牛肉乾問清楚60蚊大約幾多塊，傾好就買，點知一磅份量係無問題但收我130幾，貴咗成倍之後就唔要轉身走人，擺明老點」，建議下次遇到同一情況，態度必須強硬，「直接唔俾錢走人就可以」、「好早已經係咁，上次我咪同個店員好大聲講，我耍幾多就秤幾多，唔好亂秤，其他人都望住佢，係要咁先得！」

除了有機會遇到消費陷阱，有網民坦言不想去皇庭廣場的主要原因是「冇冷氣」，「我唔去皇廷（庭）廣場嘅主要原因係冇冷氣」，又批評商場「又逼又多人，冷氣嚴重唔夠，又唔好行」；甚至有網民認為「今時今日仲去得皇庭」，證明是「唔識玩唔識買嘅人」，建議轉戰羅湖或福田附近的其他商場。

來源：深圳大灣區吃喝玩樂情報站@Facebook