何伯離世丨何煊8.26出殯鬧雙胞胎？家屬現身《東張》澄清是同名同姓：根本唔認識
發佈時間：12:30 2026-08-25 HKT
曾因450萬積蓄與子女反目、轟動全港的《東張》主角「何伯」何煊，於7月27日因肝癌病逝，享年79歲。然而其身後事卻陷入羅生門，日前網上流傳何煊將於8月26日出殯，但其後YouTube頻道「花生速遞」的主持開live指，何煊臨終前是由友人「3000」簽字送往殮房，身份證及死亡證等文件至今仍在友人手中，五名子女卻從未聯絡索取。
何煊家屬向《東張西望》澄清出殯訊息是錯誤
昨日（24日）事件真相終於曝光，《東張西望》指收到報料，有聲稱是「何伯」何煊家屬澄清出殯訊息是錯誤：「喺今個月25號同26號喺世界殯儀館搞後事嘅先人何煊，唔係網上所傳嘅『何伯』，他哋純粹同名同姓，係兩個完全唔同嘅人。我哋同與網上流傳嘅『何伯』完全唔認識，亦冇任何關係，包括我哋嘅親人、親戚等等。何煊係喺今年7月31日去世，亦都同網上所傳嘅『何伯』去世日期唔相同。」
相關閱讀：何伯離世丨何煊後事爆羅生門 傳8.26世界出殯 驚爆子女未拎死亡證隨時變家奠
網民開PO討論又會咁橋？
何煊與何太先前涉嫌在屯門菁田邨住所升降機大堂互相襲擊，何煊早前已承認一項有意圖而傷人罪，不過在案件判刑前夕，何煊因病多次出入醫院，曾因留院觀察而缺席法庭聆訊，法官一度將判刑押後，直到7月28日驚傳何伯因肝癌病情惡化而無法進食，最終在7月27日於醫院離世，享年79歲，何伯離世消息已通知其家人。但今次在《東張》報道指何煊的家屬稱何煊今年7月31日去世，再加上何煊8.26出殯只是同名同姓的消息曝光後，不少網民開PO討論，有人覺得：「《東張》單靠一個陌生來電就確認，有無核實過呀？」、「聲東擊西唔想畀人見到啫。」、「又會咁橋？呢個名好少人有！」、「咁啱2個何煊同一個月S，嗰女都叫麗欣，真係100歲唔S都係新聞。」、「兩個字的姓名都已經少有，還要同名同姓稱何煊！又碰啱同一段時期離開人世；這樣巧合令人難以置信。」、「咁都撞名真係好癲。」、「好彩及時有人走出來講明白，如果唔係明天一大班人去打攪人哋就唔好啦！」
何煊臨終希望與仔女好好和好如初
YouTube平台「花生速遞」曾在7月28日開live證實何煊死訊並透露臨終病情︰「佢之前做完小腸氣手術，要抽啲唔同組織去化驗，6月5日發現係肝硬化，亦驗出肝位置有好多癌細胞。當時醫生講咗佢可能得返幾日至一個月命，之前唔可以講得咁明。何伯係噚日中午12點半喺醫院安詳離世，冇入ICU，亦都冇插過喉，佢係瞓住咁走。離世前兩日，有牧師去咗醫院幫佢洗禮。」後來主持再播出一段錄音，何煊希望與仔女好好和好如初：「我梗想啲仔女嚟搵我，出去行吓呱。一個人都有仔女，都想去行吓，我真係想開心…，我真係，我真係唔係自己困住自己咁耐，我都掛住佢哋，都唔知道乜嘢療程，醫生想我治療，但係我真係唔想。」何伯亦曾稱希望與大仔「傾兩句」：「個女都有…過去啲事睛天喇，啲日子過去喇，做女…啲嘢過去，掹返正，大家食多少嘢…冇辦法。」主持強調聲帶並非造假，歡迎何伯的仔女與他聯絡：「基本上要做嘅嘢都幫佢（何伯）做晒，我可以將啲錄音畀晒佢哋，等佢哋聽下係咪自己老竇把聲，我都係尊重返阿老人家，就將呢一段錄音播出嚟。」
相關閱讀：何伯離世丨何煊遺願求與子女和好 臨終點名想見大仔傾兩句 拒絕接受治療只想和好如初
