鍾培生大宅求婚激嬲外父 莊雅婷罕談閃婚真相 拒認係老公Fans首爆一細節扭轉壞印象
發佈時間：09:00 2026-09-30 HKT
「百億富三代」鍾培生（Derek）今年3月在其淺水灣大宅向「最年輕區議員」莊雅婷以電影級規格打造《進擊的巨人》場景求婚，哄動全城，除了因為求婚形式充份展示「有錢真係大X晒！」外，過往緋聞史相當豐富的鍾培生，竟然為莊雅婷封盤，令不少人嘖嘖稱奇。鍾培生曾表示原來與早在太太16、17歲時，已經主動DM撩他傾偈搭訕，更視他為偶像，後來兩人因港姐選舉重新聯絡，這段由網絡萌芽的緣份最終開花結果。
莊雅婷罕有談與鍾培生閃婚經過
鍾培生與莊雅婷同年7月誕下女兒，夫婦二人不時在社交平台放閃。近日莊雅婷接受好友江陽的《江陽大道》訪問，罕有談與鍾培生閃婚經過，原來當日求婚，莊雅婷坦言爸爸是不知情：「佢求婚嗰陣只係話咗畀我媽咪聽，我爸爸係完全唔知嘅！ 爸爸係嗰晚睇到新聞先知，所以之後嬲咗好耐，因為無人問過佢意見，但我做嘢不嬲都唔會事先徵求父母同意嘅。」
相關閱讀：莊雅婷抱B自拍 700萬行頭閃爆全場 鍾培生攜妻現身慈善餐舞會 百億千金首曝光？
莊雅婷否認係鍾培生fans
鍾培生曾公開與老婆莊雅婷的相識與「港姐情意結」有關，鍾培生稱從小已是「香港小姐選舉」的忠實擁躉，可謂「屆屆都會睇」，更一直有個習慣，就是會親自私訊（DM）心水佳麗留言加油打氣，莊雅婷在2025年曾參加香港小姐面試，惟後來因不堪受壓而選擇退選，當時鍾培生一直有留意賽況，一如以往地主動DM留言為莊雅婷打氣，當他私訊對方時，意外翻查到原來女方早在16、17歲時，已經主動DM撩他傾偈搭訕：「我要爆佢一個秘密，其實佢係我Fans。」結果這段由網絡萌芽的緣份最終開花結果。不過在今次的訪問上，莊雅婷道出另外一個版本：「雖然佢話我係佢嘅fans，係好多年嘅fans，其實唔係，我哋係透過朋友嘅朋友識嘅，第一次見面都係喺朋友嘅朋友舉辦嘅活動上認識。我只係好多好多年前 reply（(回覆） 過佢一個 story（限時動態），佢就講咗好多好多次，講咗好耐，但其實我唔係佢嘅fans。」鍾培生向莊雅婷的求婚熱爆全城，但原來當日發生了一段小插曲：「求婚嘅時候，只係同咗我媽咪講，我爹哋係唔知道。佢冇同過我爹哋講，我爹哋係嗰晚睇新聞先知道嘅。後來爹哋嬲咗一段時間，因為點解冇人問過佢嘅意見，但係我做事情一向不嬲都唔會問爹哋媽咪嘅意見，不過我都要同爹哋道歉。」
莊雅婷成為鍾太後對仕途未有影響
莊雅婷亦罕有談及與鍾培生結婚生子的原因，她坦言二人性格真的很像：「雖然可能喺網上或者社交媒體上睇唔出，但真係好似。我哋嘅相處方式並唔係特別甜蜜、特別溫柔嗰種，我哋平時會互相打鬧、揶揄對方，哈哈對方啊咁。呢個就係我哋生活中的樂趣，佢把口有時真係衰啲，但個人真係唔壞，佢個人非常好，係一個好善良嘅人，佢智商和情商都好高。如果以佢呢個年紀嚟講嘅話，我唔覺得我認識嘅人入面，會有人醒過佢。」莊雅婷續說：「我第一次同佢食飯嘅時候，一開始我對佢嘅印象麻麻地，但係後嚟第一次同佢食飯嘅時候，我就覺得『嘩！ OK，眼前一亮』。因為我講嘅好多嘢，有好多人係get唔到，但我講完之後，佢可以接得上話，仲可以繼續延伸，呢啲真係緣份。」莊雅婷成為鍾太後，坦言對仕途未有影響：「婚姻咪就係結婚了，之後可能會生小朋友。生咗第一個又唔覺得特別難。對我嚟講，我可以生小朋友前一日都仲做緊街站工作。跟住我坐完一個月嘅月子之後，我就已經恢復正常生活，重返工作崗位，所以冇太大影響。」
相關閱讀：鍾培生揭莊雅婷未成年曾主動搭訕：佢係我Fans 談生B爆金句「生一個娶你返嚟做乜X嘢」
莊雅婷慢慢學習如何放鬆
莊雅婷本身擁有超強學歷，當年放棄英國名牌大學錄取，選擇入讀北京大學雙學位（政府管理學院及光華管理學院），其後再於香港大學攻讀碩士，目前攻讀清華大學馬克思主義學院博士學位，同時又已經結婚生仔，莊雅婷說：「其實我一直都係我，我一直做緊自己同埋做自己鍾意做嘅嘢，或者係我認為啱嘅方向，外人睇落覺得我有好多光環，好似好勁，但其實對我嚟講，開心係最緊要，或者係要有意義。」莊雅婷目前能取得平衡，全靠背後的強大後盾。她透露目前完全不用親自帶娃，媽媽、奶奶搶著照顧，家裡還有陪月與工人姐姐幫忙，讓她產後一個月就能無後顧之憂重返工作崗位。追尋自己的目標的同時，莊雅婷亦慢慢學習如何放鬆：「我嘅人生目標就係逐一完成清單上項目，但最後你會發現，我睇住90歲嘅公公，我先26 歲，仲有咁多年嘅時間，我點解要咁心急呢？我諗人生有很多值得珍惜嘅嘢，所以唔使心急，我成日都提醒自己呢一點。」
