港人怒轟「垃圾天花板」茶記！唔識煎荷包蛋+凍餐肉照送餐？店員勸1句即嬲爆離場：無下次！

更新時間：14:54 2026-08-27 HKT
發佈時間：14:54 2026-08-27 HKT

香港餐飲業的服務與食物質素向來深受市民關注。近日，有港人在社交平台大吐苦水，怒轟一間茶餐廳是「垃圾天花板」。事主指出，當日點了一份公仔麵早餐配餐肉煎蛋，事主本想要求荷包蛋，豈料廚房竟表示「唔識煎」，於是改為太陽蛋，惟上菜時發現賣相奇怪，加上午餐肉「唔熱之餘仲要係凍的」。事主遂向店方投訴，然而店員竟建議「將餐肉浸落碗麵整熱」，最終決定「棄餐走人」，隨即引發網民討論，感嘆「成日話生意難做唔係冇原因」。

港人怒轟茶記餐肉未熟+唔識煎荷包蛋？店員勸1句即嬲爆離場：無下次！

有港人在社交平台發文，怒轟1間位於牛池灣的茶餐廳廚師「影衰行業」。事源他當日點了一份價值$49的公仔麵早餐，但食物質素卻令他「眼界大開」，指出當時碟上的午餐肉切得非常薄，更過分的是「唔熱之餘仲要係凍的」。事主隨即向現場一位戴著眼鏡的店員投訴，對方竟回應指「可能師傳忙，餐肉一早煎過的，無翻煎啫」，並建議事主「浸一浸碗麵就會熱」。對此，事主憤怒質疑：「依個係咩邏輯」。

此外，事主透露原本要求荷包蛋，但廚房竟表示「唔識煎」，無奈之下遷就廚師改叫「太陽蛋」。然而，隨後送上的太陽蛋賣相不佳，除了蛋白沒有完全成形，蛋黃也相比一般所見為大，令他忍不住：「依隻太陽蛋嗎？我要比（俾）錢架（㗎）」。面對這份早餐，事主直言「睇見唔想食，食都唔開心」，最終決定「放低凍飲錢，走人」，並直言「無下次，等執啦！」。

網民嘆：成日話生意難做唔係冇原因

帖文公開後，隨即引來網民留言討論，有人笑言「太陽蛋」的賣相呈半生熟狀態，開玩笑指「立吓眼以為有生蠔食咁正」；也有網民直言「咁樣都可以出餐，以後不要再幫趁（襯）」。不少網民對茶餐廳的服務態度感無奈，感嘆「香港食店，成日話生意難做唔係冇原因」。有網民則分析指，「荷包蛋要花多啲時間，你都唔好指望佢會整俾你喇」，並大嘆「而家香港大部份餐廳嘅存在價值，都只係幫客人慳番自己煮嘅時間。想食好嘢？自己整好過」。

來源：香港茶餐廳及美食關注組@Facebook

文：LW