公屋首派東涌竟想拒絕？港爸以1理由憂一家四口「負擔不起」網民激辯：執到寶唔識珍惜

更新時間：14:06 2026-10-31 HKT
發佈時間：14:06 2026-10-31 HKT

香港公屋輪候時間漫長，不少申請者苦等多時終於獲派單位，惟地點與生活圈子的距離往往成為令人頭痛的取捨難題。近日一名公屋申請者在社交平台發文，指獲首次編配東涌公屋單位，但由於上班及子女上學地點均在旺角，考慮到轉校及交通費負擔而打算拒絕編配，並向網民請教拒絕理由，引起了網民激辯。

一家四口首派東涌公屋擬拒絕？憂車費時間「負擔不起」

日前有位港爸於facebook群組內分享個人經歷，指自己一家四口輪候公屋多時，最近終於獲得首次派房的機會。然而他在帖文中無奈表示，「返工同仔女返學全部係旺角，想拒絕，請教用咩理由好點！」。面對新環境的配套、跨區交通成本及子女教育安排等現實考量，令他陷入兩難，遂發文向廣大網民尋求意見。

他亦表示自己非嫌棄單位質素，而是受制於家庭實際開支與照顧問題，「舊樓我反而無咩所謂，最主要是考慮轉校，聽講個邊學位緊張」。他續指，如選擇不轉校的話又會出現另一問題，「原校的話，細佬又要接送，每個月四個人交通費都幾貴下」。

過來人勸退：東涌物價高「行高檔路線」

帖文一出隨即引來網民熱烈討論，惟反應兩極。不少體諒事主處境的網民認同跨區交通開支沉重，指出「你自己一個其實無所謂的，當你屋企人有三四個嘅話就唔同，車費時間」。因此有人建議「直接講出原因，一家幾口旺角返工同埋讀書車費負擔唔起」。

此外，亦有具東涌生活經驗的網民勸退，直言「唔好要東涌」，指發現當地「街市嗰啲嘢偏貴，行高檔路線」，更有曾居住當地的網民表示「東涌物價比較高係真，搭車耐都係真」，形容當年「返工放工用時三個幾鐘，我個人就接受唔到了，所以好睇自己個人需求」。

另一派讚新樓配套好狠批「執到寶唔識珍惜」

然而，另一派網民則極力挽留，認為東涌環境優越且交通便利，紛紛表示「出旺角好快咋，地鐵半個鐘到」、「大把人住東涌喺港島返工」，以及「其實東涌去每一個地方車程時間都係個零鐘㗎咋」。有人更大讚東涌新樓質素高且配套完善，「最緊要落樓就可以有街市，返學喺隔離，左邊有地鐵，右邊有巴士站，中間有個大商場」，加上「去旅行坐飛機又方便」，批評拒絕編配是「執到寶都唔識珍惜」。

有部分網民更認為事主不應單為子女上學而放棄長遠居所，直言「小朋友讀書係嗰幾年，你住要住幾十年，自己諗」、「小朋友眨吓眼就畢業，最緊要派嘅地方自己鍾唔鍾意嗰度係長住」，甚至有人揶揄「返學旺角，除咗海富苑之外，都冇乜邊個屋邨合到你要求」，若仍然無法接受，應「努力啲買私樓」。

網民理性提點建議視乎子女年級決定去留

與此同時，亦有理性的網民從公屋編配制度及實際解決方案出發，提醒事主「乜理由都計你一次的，直接說太遠就得」，並詳細分析指「如果無醫生證明，其實無論你用咩理由，都係計一次，下次派未必都係滿意的」。有人亦建議事主應按子女就讀年級作決定，「如果佢讀P3以下，就搵學校轉，P4以上你覺得怕跟唔上就讀原校，早啲出門，辛苦幾年」，並鼓勵事主「自己去睇睇周圍環境同試下坐車去學校路線，做多啲功課，再決定」，坦言不少學生包括自己都是預留約一小時提早出門。

資料來源︰公屋討論區 - 香港facebook群組