老竇退休變「化石」日日瞓同坐 孝順女憂體能退化跪求活動計仔 網民狂推「5大治懶神器」保證自願落街日行萬步｜Juicy叮
發佈時間：16:00 2026-10-19 HKT
老竇退休變「化石」日日瞓同坐，孝順女憂父親體能退化，跪求活動計仔。網民熱心集思廣益，狂推「5大治懶神器」，保證能吸引老人家落街，自願日行萬步。詳情見下圖及下文：
老竇退休變「化石」日日瞓同坐 孝順女憂體能退化跪求活動計仔 網民狂推「5大治懶神器」保證自願落街日行萬步逐張睇↓↓↓↓
樓主：退休老竇日日「瞓同坐」
樓主前天（17日）在社交平台 Threads發帖，指父親退休後活動量大減：「老竇自從退休之後日日喺屋企瞓同坐，有咩細藝可以畀佢做下？等佢出個近門，或者至少喺屋企來回走動下，成日唔郁對身體唔好，我老母間唔中會叫佢出去買餸，仲有咩可以做？」
不少網民也直言自家老竇同樣難搞：「我老竇唔鍾意出街啊，激死我，佢鍾意喺屋企煲劇」；更有網民形容：「我老竇都係咁，叫佢落街行都唔郁，一日瞓喺張床度，係食飯嗰陣先落床，食完飯又走返上床瞓喺度，即係得食飯同去廁所先唔喺張床度」。
網民集思廣益 暢談「5大退休治懶神器」
為拯救不願多活動的長輩，網民貢出私房妙計，綜合出以下 5 大治懶神器，只要用對方法，保證能吸引老人家天天自動自覺落街散步，要達到日行萬步的健康指標簡直輕而易舉：
1. 長者中心：大批網民力推長者中心，有過來人分享「我媽迫咗我爸（好似因為入會有嘢送）去屋企附近長者服務中心，跟住開始喺入面報班學書法樂器，去下啲本地遊，仲會做中心當席義工」；
另有網民建議「去附近長者中心幫佢報興趣班，例如長者防跌運動、認識認知障礙症」，「帶佢浦下啲社區中心，識咗啲人之後就會成日去玩」。
2. 養狗仔：利用寵物責任感是最強動力，過來人直言「我係養隻狗之後佢每日都要帶隻狗出去行3h（3小時）」，同時也有網民提議「養狗仔，放狗又可以做運動」、「健身，力量訓練，養貓」。
3. 2蚊乘車優惠（遊車河新界漫遊）：網民大讚政府福利是絕佳細藝，極力推介「去遊下巴士河啦，唔好浪費$2蚊搭車福利！」，「自己都會得閒無事遊下車河去下新界，同我媽返下大陸去下澳門」。
4. 尋寶與飲茶（行鴨寮街與舊友聚會）：有網民提議「尋根之旅，憶舊漫遊」，或「去公園捉棋」、「我老竇鍾意去鴨寮街睇二手嘢，例如錶」、「我爸成日打麻雀，得閒陪下呀媽買餸」。
此外，不少人指出同齡伴侶的重要性：「佢有冇啲friend（朋友）係差唔多年紀又係退咗休？有個伴的話應該會多啲節目，出去飲個茶都好呀」、「咪叫老竇同阿媽多啲一齊出街，退休應該享受人生」。
5. 手藝與養生（手工與氣功八段錦）：網民提議多作嘗試：「畫畫、手工，咩都試下睇下佢啱咩」、「學氣功／八段錦」、「做下養生運動，之後四圍去行下，每日行1、2個鐘乜都夠，遠就唔好去喇。睇下有興趣嘅書睇下新聞」。
退休生活需要寄託
除了 5 大神器，有網民分享了從「無所事事」到「生活多姿多彩」的勵志例子：
「我老竇60歲已經退休，依家70幾歲啦。開初真係屈喺屋企冇嘢做，驚悶仲諗住做保安。
後來班街坊叫佢冇咩做就去參加區議會搞嘅活動，一時又去下西貢，一時又盆菜，一時又有咩行山咁，耐咗仲做埋義工，大時大節有時要派嘢又去幫手維持秩序……依家仲要忙住同孫玩」。
另有熱心網民認同「報名做義工，幫下人，又感覺到被人需要」、「做義工，遊山玩水」。
資料來源：aries0seira＠Threads
相關閱讀：
當個仔係「養兒防老機器」？ 月入$2萬港男崩潰：無積蓄兩老未夠60歲突退休 網民驚爆或有陰謀
68歲退休醫生揸Uber過日辰？港女借機狂踩00後「淨係識怨」 網民反擊踢爆兩大盲點
手執900萬現金擬55歲東莞退休 48歲單身港男列全套「躺平藍圖」 網民急警告提防「一件事」
