老窦退休变「化石」日日瞓同坐 孝顺女忧体能退化跪求活动计仔 网民狂推「5大治懒神器」保证自愿落街日行万步｜Juicy叮
发布时间：16:00 2026-10-19 HKT
老窦退休变「化石」日日瞓同坐，孝顺女忧父亲体能退化，跪求活动计仔。网民热心集思广益，狂推「5大治懒神器」，保证能吸引老人家落街，自愿日行万步。详情见下图及下文：
老窦退休变「化石」日日瞓同坐 孝顺女忧体能退化跪求活动计仔 网民狂推「5大治懒神器」保证自愿落街日行万步逐张睇↓↓↓↓
楼主：退休老窦日日「瞓同坐」
楼主前天（17日）在社交平台 Threads发帖，指父亲退休后活动量大减：「老窦自从退休之后日日喺屋企瞓同坐，有咩细艺可以畀佢做下？等佢出个近门，或者至少喺屋企来回走动下，成日唔郁对身体唔好，我老母间唔中会叫佢出去买餸，仲有咩可以做？」
不少网民也直言自家老窦同样难搞：「我老窦唔钟意出街啊，激死我，佢钟意喺屋企煲剧」；更有网民形容：「我老窦都系咁，叫佢落街行都唔郁，一日瞓喺张床度，系食饭𠮶阵先落床，食完饭又走返上床瞓喺度，即系得食饭同去厕所先唔喺张床度」。
网民集思广益 畅谈「5大退休治懒神器」
为拯救不愿多活动的长辈，网民贡出私房妙计，综合出以下 5 大治懒神器，只要用对方法，保证能吸引老人家天天自动自觉落街散步，要达到日行万步的健康指标简直轻而易举：
1. 长者中心：大批网民力推长者中心，有过来人分享「我妈迫咗我爸（好似因为入会有嘢送）去屋企附近长者服务中心，跟住开始喺入面报班学书法乐器，去下啲本地游，仲会做中心当席义工」；
另有网民建议「去附近长者中心帮佢报兴趣班，例如长者防跌运动、认识认知障碍症」，「带佢浦下啲社区中心，识咗啲人之后就会成日去玩」。
2. 养狗仔：利用宠物责任感是最强动力，过来人直言「我系养只狗之后佢每日都要带只狗出去行3h（3小时）」，同时也有网民提议「养狗仔，放狗又可以做运动」、「健身，力量训练，养猫」。
3. 2蚊乘车优惠（游车河新界漫游）：网民大赞政府福利是绝佳细艺，极力推介「去游下巴士河啦，唔好浪费$2蚊搭车福利！」，「自己都会得闲无事游下车河去下新界，同我妈返下大陆去下澳门」。
4. 寻宝与饮茶（行鸭寮街与旧友聚会）：有网民提议「寻根之旅，忆旧漫游」，或「去公园捉棋」、「我老窦钟意去鸭寮街睇二手嘢，例如表」、「我爸成日打麻雀，得闲陪下呀妈买餸」。
此外，不少人指出同龄伴侣的重要性：「佢有冇啲friend（朋友）系差唔多年纪又系退咗休？有个伴的话应该会多啲节目，出去饮个茶都好呀」、「咪叫老窦同阿妈多啲一齐出街，退休应该享受人生」。
5. 手艺与养生（手工与气功八段锦）：网民提议多作尝试：「画画、手工，咩都试下睇下佢啱咩」、「学气功／八段锦」、「做下养生运动，之后四围去行下，每日行1、2个钟乜都够，远就唔好去喇。睇下有兴趣嘅书睇下新闻」。
退休生活需要寄托
除了 5 大神器，有网民分享了从「无所事事」到「生活多姿多彩」的励志例子：
「我老窦60岁已经退休，依家70几岁啦。开初真系屈喺屋企冇嘢做，惊闷仲谂住做保安。
后来班街坊叫佢冇咩做就去参加区议会搞嘅活动，一时又去下西贡，一时又盆菜，一时又有咩行山咁，耐咗仲做埋义工，大时大节有时要派嘢又去帮手维持秩序……依家仲要忙住同孙玩」。
另有热心网民认同「报名做义工，帮下人，又感觉到被人需要」、「做义工，游山玩水」。
资料来源：aries0seira＠Threads
相关阅读：
当个仔系「养儿防老机器」？ 月入$2万港男崩溃：无积蓄两老未够60岁突退休 网民惊爆或有阴谋
68岁退休医生揸Uber过日辰？港女借机狂踩00后「净系识怨」 网民反击踢爆两大盲点
手执900万现金拟55岁东莞退休 48岁单身港男列全套「躺平蓝图」 网民急警告提防「一件事」
