50歲餐飲業打工仔突被即日炒 入職竟簽「這魔鬼條款」？網民點醒：合約不能凌駕法例｜Juicy叮
發佈時間：12:00 2026-10-26 HKT
一位年屆50歲任職餐飲業的打工仔在Facebook發帖，控訴自己遭到公司無預警即時解僱，頓時手足無措。他在帖文中無奈寫道：「50歲人，啱啱比公司冇通知之下即時解僱，做咗差唔多四年，想請問正常情況下會有咩補償？」樓主在與網民互動時透露了僱主的一些套路，掀起熱烈討論。
入職無合約副本、寫明炒人賠7日？網民怒吼：合約不能凌駕法例
樓主透露，自己任職於飲食業，當年因為學歷不高，「自己學歷唔高，又唔清楚，當初諗住有份工做就唔理」，更離譜的是，公司一直沒有提供合約副本，「公司一路以嚟都唔會畀返份copy畀員工」。
樓主甚至隱約記得，當初簽署的入職合約似乎寫着「公司炒員工只係補償七日」，令他非常擔心這次被即時解僱會被剝削。
帖文引起大批網民熱烈討論，不少網民指出，僱傭合約的條款絕非僱主說了算：「冇得投訴，但如果條款低過勞工條例，就要俾翻條例所獲得嘅，合約嘅條款係冇效，唔跟法例可以報得勞工處。」有網民直言：「合約不能凌駕法例，法官唔係低能。」勸樓主直接上勞工處「開file」。
網民引法例：受僱滿4年可獲遣散費 非合約所寫7日糧
不少網民質疑樓主的僱主涉嫌違法，並指出根據《僱傭條例》，僱員按連續性合約受僱不少於24個月（即做滿2年），並因裁員、停工或固定期限合約期滿後不獲續約而遭解僱，便有資格獲得遣散費，以樓主在任職的餐飲公司工作已滿4年，被解僱已有資格獲取遣散費，而非當日入職所簽合約僅有「7日糧」。
按樓主的情況，他的僱傭期橫跨2025年5月1日取消強積金「對沖」安排生效日，其遣散費會以轉制日為界，分為轉制前及轉制後兩部分。根據勞工法例，僱主如無合理辯解而拖延支付遣散費給僱員，可被檢控，一經定罪，最高可被罰款5萬元。
另外，網民亦指出「長期服務金」的門檻則需要滿5年年資。樓主做了「差唔多四年」，剛好未達領取長期服務金的年資，被網民形容是「睇準你未夠5年先黎炒你」，巧妙地避開了長期服務金。
帖文更引來同樣「差一點點」的慘痛苦主現身說法：「我以前有份工做咗4年11個月，又係即日炒，差d可以攞幾十萬MPF出嚟駛，可惜差一個月。最後，得一個月補償，重要pk到說我，用Ref. Letter做交換，叫我唔補一個月，都CLS！」種種無良手段令網民大開眼界。
從無遲到即日要執嘢走 樓主：最慘多謝都冇句
有網民追問樓主，平日工作是否表現欠佳或經常遲到，才會落得即日被炒的下場。樓主喊冤表示，自己從未收過警告信，「一次都冇收過，冇遲到，冇請過假，日日正常返工，正常放工」。不少網民為樓主大抱不平，呼籲樓主應該去勞工處討回公道。
而最令樓主心寒的是，為公司付出了四年青春，最後換來的只有冷漠：「最慘多謝都冇句」。
職場金句連發：返工唔使上心，公司當你安全套？
這起中年失業事件，亦意外引發了一場關於職場生存哲學的大戰，打工仔金句連發，有網民直言：「所以幾時都話返工，完全唔使上心，公司真係當你安全套用完即棄，邊間公司都係咁話。」 甚至有網民補充，就算做到總經理，在高層眼裡也只是個隨時可替換的打工仔。
有過來人膽勸喻樓主不要太相信平日看似老友的同事：「你唔好認真，佢從來無當真，同事還同事，出左門口各安天命。我眼見好多人將同事當朋友，簡直on9到極點。」 指出不少同事只會「口是心非」或向高層打小報告，職場上防人之心不可無。
面對不少消極的打工仔辛酸金句，亦有不少理性網民提醒道：「返工完全唔使上心都講得出，真係唔炒你炒邊個？」 「又唔係個個都係無良老闆！」
來源：裁員炒人消息關注組＠facebook
延伸閱讀：近七旬患病保安遭裁員 臨別聽信經理「做咗呢步」 2萬遣散費慘被設局凍過水
