AI世界末日 我不怕死 | 莫灝楠
發佈時間：16:09 2026-09-15 HKT
琴晚硬件股大隊，軟件股反而升。主要係因為突然有個叫做Jacob Coxon嘅人喺X上宣布從AI公司Anthropic辭職，並連發了幾個post，主要係警告AI有發展失控的風險。
Jacob Coxon呢條友個身份其實相當可疑。無端端喺X度講一句話自己係前Anthropic員工，鬧公司無道德。但個X account之前完全無任何發文記錄。
當然，Jacob因為曾經被右翼人士、Elon Musk等質疑身份。佢亦曾經自拍澄清自己係真人。但突然放棄巨額Anthropic股票期權辭職，究竟係另有Mandate還是真正AI末日吹哨人？
X貼文中提及，AI在10年後有機會毀滅人類。但點樣計呢10%出黎？完全無概念。得個噏字，無實質證據，唔太Solid。
Anthropic，OpenAI，xAI等之後都出黎表示願意暫停先進模型發展。完全同自身利益不相符。會唔會背後其實另有目的？是否透過立法監管AI增加行業合規成本來加劇競爭，逼走開源模型？換句話講，呢個其實利好網絡安全股
暫停AI發展都不符合所有有能力發展AI國家嘅利益。特別美國、中國無論在軟件、硬件、工業、能源、化工等等都依賴AI帶來紅利。而家全世界發達國家都係AI身上賭國運，話停就停？
包括今次事件，包括之前OpenAI個AI Agent之前失控，突破了原本隔離環境，入侵了知名AI開源平台Hugging Face。呢啲事件都不約而同成為部分左派政客暫停AI發展的藉口。
硬件股輪動至軟件股
對於投資市場黎講，大家無需要思考AI究竟會否影響人類存亡。反正如果人類滅亡，我地都無需要炒股票。本來市場已經有開始從硬件股rewind去軟件股嘅趨勢。因為CAPEX增長開始放慢，軟件股ROI開始顯現，加上部分軟件巨頭最後並無被AI取代而開始被市場revalue。但因為去槓桿，加上利率高企，所以趨勢並未太明顯，亦相當分化。
講真，實驗室洩漏病毒、第三次世界大戰、核洩漏、火山爆發、小行星撞擊地球、外星人入侵、太陽黑子爆發、氣候轉變……人類都會滅絕咖啦？因為風險就停止發展AI明顯唔make sense。人類有無試過因為見到有風險就停止發展？從來都係船到橋頭自然直。
有次蔡瀾搭飛機遇到強烈氣流，機身劇烈顛簸了整整五分鐘。他旁邊坐著一個外國大漢，嚇得面如死灰，雙手死死抓住座椅扶手。
但蔡瀾卻像沒事一樣，氣定神閒地繼續品著手裡的紅酒。
等飛機終於穩定下來，老外大漢很不解地問他：「老兄，你死過嗎？（你不怕死嗎？）」
蔡瀾只淡淡回了三個字： 「我活過。」
Casper：「殺到埋身先算，今朝有股今朝炒。」
元宇證券基金經理
莫灝楠
