中手超｜港隊循環賽最後一場29:41不敵廣東 七戰三勝排第四 明再鬥安徽爭季軍
發佈時間：18:50 2026-10-31 HKT
2025-26賽季中國手球超級聯賽第四階段總決賽周六迎來循環賽最後一輪賽事，港隊在馬鞍山體育館主場出擊，最終以29:41不敵廣東，但仍以3勝4負排第四，今日將季軍戰再鬥老隊手安徽。
港隊主力輪休備戰季軍戰 29:41負廣東
港隊在賽前因已鎖定第四及季軍戰席位，因此選擇主力輪休，派出較多後備和年輕球員如鄒旭濤、田涯泓等上陣，港隊在早段入局較慢在上半場便落後13:19，而易邊後廣東曾一度更進一步拉開分差，但港隊曾一度接連得分追近成21:25，但廣東很快便作出回應，將比數再度拉開，最終港隊以28:41告負，本場攻入9球的羅俊耀獲選為港隊最佳球員。
港隊完成7場賽事，最終錄得3勝4負，主教練許文邦提到球員在這七場的表現很好，亦已達成賽前目標：「我覺得佢哋表現已經好好，好多球員比賽前都要返工返學，然後再趕過來已經係超負荷，我哋依家嘅成績係第四可以爭季軍，其實都已經達成賽前定嘅目標。」而提到今場比賽，邦sir指今場新舊球員在初生段默契不足和入局較慢，但後來亦漸入佳境，可惜體能上有差距所以在最後被拉開。
港隊明日將再鬥安徽力爭季軍，邦sir坦言各項賽事雙方也對陣近13次，大家亦很熟悉對方，所以沒有太多特別部署，主要也是希望減少失誤：「反而我今次唔想俾太多可能部署俾佢哋，等佢哋可以打得更加放開，我最主要都係希望可以減少失誤，其實我哋都好有機會上到頒獎台。」
盼香港再辦中手超分站 惟成本成最大阻礙
而提到會否希望再有機會舉辦中手超時，邦sir表示希望香港可以作為其中一站每年都舉辦，但也坦言開支是一個問題：「我知道如果每年搞，對於手球總會個開支啊，或者人力嗰個資源啊嗰個位呢其實好辛苦嘅。因為今年特別辛苦啦，我哋冇乜經驗，好多嘢都係慢慢磨，跟住大陸好多嘢同我哋香港都唔同。咁我哋今次攞咗好多經驗，但係呢個經驗有啲寶貴啦，都有啲貴啦。如果唔可以一年一次都想兩年一次。」他也很感謝手總令今次賽事可成事，未來也希望可以重回啟德舉行。
邦sir亦提到今屆也樂見有更多小朋友入場欣賞手球：「我覺得由小朋友開始發展，係我哋未來手球總會嘅重點方向，我哋種咗啲種子喺佢入面啦，咁佢第時喺個興趣選擇入面唔一定再選擇籃球、足球咁單一。可能佢細個見過手球，佢真係慢慢打手球，令到我哋嘅人口增大，我哋再做好我哋嘅培訓，咁其實我覺得我哋未來手球嘅發展會越嚟越好。」
羅俊耀想在廣大觀眾前展示球技
而今場獲選為港隊最佳球員的羅俊耀他則表示感謝教練給他機會去發揮，他提到因為有些都是城大的隊友，因此表演和默契上都不錯，但是和對手差距在於體能以及攻門上，羅俊耀也特別感謝在場觀眾的打氣：「多謝佢哋每一次入波都會嗌我個名啦。其實呢個係對我哋香港隊嚟講呢其實好大動力。每一次入波，我哋聽到自己個名其實每一次我都好想去進攻、去入波，等觀眾可以欣賞到我哋嘅球技之餘，同埋可以有更加多歡呼聲去幫我哋打氣。」
記者/攝影：魏國謙
