朱咪咪荣升嫲嫲拒帮手凑孙：我负责玩 长居新加坡豪宅自爆做阿四 曾长年分隔惹儿子怨恨
发布时间：10:00 2026-11-04 HKT
有「鬼马歌后」之称的朱咪咪早年为养家常年独留香港登台拍戏，丈夫与两名儿子则定居新加坡。由于相隔两地，她有时半年才能探亲一次，令二仔马健晋童年时因缺乏陪伴而感到不解；近年她逐渐放慢工作步伐回归家庭，大部分时间留在新加坡与大仔马健庭一家同住。随着大仔于2017年成家立室，她如今亦已荣升嫲嫲，不过性格幽默豁达的她笑言不会帮手凑孙，直言：「孙女出世梗系佢老窦老母自己凑返，而家唔好玩，我系负责玩。」
朱咪咪居星洲豪宅亲自打扫
朱咪咪现时长居新加坡，最初与两子及新抱同住其两层半住宅，细仔婚后则搬到附近居住。虽然荣升嫲嫲，但她平日「坐唔停」，除了每日去街市买餸、煲汤及煲凉茶，家务更亲力亲为：「我系负责清洁，屋企两层半，我冇请过工人，我就系𠮶个工人，辛唔辛苦系你自己谂，抺地扫地啫，咪当做运动。」从她过往曝光的家居可见，大宅楼底极高且格局方正实用，装修走传统温馨路线；门前的大花园更栽种了两棵茂密松柏，朱咪咪亦曾在此为爱犬冲凉，环境宽敞舒适。
相关阅读：朱咪咪现身亲揭暴瘦原因：年纪大越肥越危险 香港物业全放租 安心做包租婆长居新加坡
朱咪咪：血糖高咗少少，问题不大
谈及近况与健康，朱咪咪笑称自己从不刻意减肥：「唔系减㗎，减肥系好辛苦嘅任务嚟㗎！新加坡好多嘢食，食吓面、粉咁，会煲吓汤同埋凉茶。我冇减，饭只吃半碗，肉类吃鸡肉、猪肉、海鲜，不吃牛及羊。我唔食面包，食面包一定要搽呢样𠮶样，我搽都系新加坡嘅绿色咖吔，食斑兰叶𠮶种香味，𠮶个香好多，烘好个面包再搽𠮶只嘢，真系攞你命！」对于健康状况，她坦言：「系血糖高咗少少，问题不大。我好注重健康，有定期做身体检查。完全冇事。」
马健晋长大终体谅朱咪咪
作为圈中的「隐形富婆」，外界盛传朱咪咪在新加坡、马来西亚及香港坐拥近十个物业，身家丰厚。对此她笑说：「而家香港冇屋住，租晒出去！」她透露以前赚到的钱多数用来买砖头保值，这份未雨绸缪源于贫困的童年回忆：「可能以前细个𠮶阵好唔掂，我哋间房剩系得一张大床，上面再搭碌架床，11个人住一间尾房，再穷再苦嘅日子都系咁过。我喺物质上冇乜追求，一件衫可以着几年，富唔富睇你自己觉得几多钱先系贫。」
然而在儿子成长过程中，朱咪咪因工作长期缺席，曾引来儿子的埋怨，尤其是幼子马健晋。他曾坦言童年时不满母亲经常在外工作：「由我有记忆嘅时候，已经知道妈咪大部份时间都唔喺屋企。返学听到啲同学讲『我妈咪带我去呢度、𠮶度玩』，但系我个人系好少呢啲机会，因为我好少有机会同妈咪接触。妈咪成日返工冇时间陪我哋，如果我哋约定咗一个时间去做呢件事，佢有时因为要开工需要取消，所以细个真系几唔开心，因为妈咪成日都唔喺度。」随着年龄渐长，马健晋终于理解母亲的苦衷：「大个咗开始见多咗啲人同事，我先发觉妈咪系为咗畀我哋有好嘅生活环境，所以先咁搏命做工，我先体谅到佢唔系唔想陪我哋，只系想为呢个屋企付出多啲。」
相关阅读：朱咪咪过亿身家都畀仔嫌弃 曾与老公儿子长期分居：两个仔当初好唔钟意妈咪
朱咪咪知足常乐修复母子情
朱咪咪亦曾感叹当年将儿子送回新加坡生活时，大仔同样感到失落与难以释怀：「我知两个仔当初好唔钟意妈咪，送咗佢哋返新加坡，自己一个喺香港做嘢。但系冇办法，签咗合约唔可以唔做。不过近呢几年，我觉得要将工作减量，唔可以再好似以前咁，由朝到晚做到三更半夜，咁样好似唔系做人嘅生活态度。」
如今母子关系早已修复，近年减少幕前演出的朱咪咪长居新加坡享天伦之乐，与新抱亦相处融洽。她大方分享婆媳相处之道：「有啲乜嘢我都争住做，唔系坐喺度做乜，最紧要睇你个心点谂，我而家唔系做家务，只系做运动。我哋揾钱系畀佢哋使，我自己一日都用唔到20蚊坡币，所以佢哋生活好啲，可以弥补返我细个𠮶阵啲不足，唔需要啲仔女跟住我挨。」走过大半生，朱咪咪感慨而知足：「我而家好知足，我会谂自己比好多人幸运，我仲系冇人冇物又冇后台，冇人力捧我，我系一步一步咁唱出嚟。」
相关阅读：朱咪咪见尽发姣女艺人争上位 入行半世纪庆幸冇男人缘劝同行带眼识人丨独家
