何雁诗首认与郑俊弘关系生变 自爆夫妇平淡如水冇交拗：唔再激情丨独家
发布时间：07:00 2026-09-29 HKT
何雁诗与郑俊弘（Fred）于2020年结婚，育有一子郑赞廷（Asher）。近来因为将4岁病儿移居温哥华，夫妻俩需要分开做「太空人」轮流飞过去照顾，聚小离多，面对「七年之痒」难关，何雁诗接受《星岛头条》专访时毫无保留，首度解开与Fred的婚姻真实面貌，坦承两个人嘅关系确实已经变质：「我哋唔系特别激情！」夫妻关系变得平淡如水，连何雁诗新歌《悍马》性感MV，Fred亦零回应。采访：方骞平 摄影：罗安强
早前何雁诗罕谈及当年的「小三风波」直言后悔，扬言「如果当初能够提早、彻底地了解郑俊弘当时真实的感情状况，自己绝对不会选择与对方交往」，加上近期两公婆为患有「天使综合症」的4岁儿子轮流做「太空人」，聚小离多，惹来婚变传闻。
家人心思及焦点全放儿子
《星岛头条》被问到同Fred嘅夫妻甜密关系能否keep得住？何雁诗并冇正面回应，反而自爆现时两人平淡到连交都冇得闹，问到可会担心难以再增进感情？她却说：「我哋好多嘢都有共识，冇需要再去闹交，系一个正常照顾小朋友嘅关系。」她直言双方心思及焦点已经完全投放在儿子身上，激情早成过去：「我哋ok嘅，当要照顾小朋友时，大家全副心机放喺小朋友上。」她明白夫妻关系需要维系，：「有时都会谂『忽略咗我哋嘅关系点好呢？』不过真系冇时间去理，对我哋嚟讲最重要都系小朋友。」
郑俊弘系一个好team
何雁诗形容得有点暧昧，指两夫妇演身合作伙伴：「我哋唔系特别激情，系一个好好嘅team，特别系照顾小朋友方面都好有默契，系相处舒服嘅家人，Asher喺我哋家庭系拉近家庭成员嘅一个人，大家交谈话题都讲BB，我个地位永远排到最后。」
以《悍马》回应网上抨击
除了婚姻状况备受瞩目，何雁诗过去卷入的「小三」感情风波及网上负评，多年来一直挥之不去。对此，她透过2026年第二首个人单曲《悍马》作强硬回应：「呢首歌系我自己作曲和监制，填词梁柏坚，呈现比较硬朗啲感觉嘅何雁诗，所以梁柏坚用军用车形容我好贴切，因为喺娱乐圈做得幕前人，预咗会有好多人去谈论你，所谓『食得咸鱼抵得渴』，就好似一辆用嚟打仗嘅战车咁，唔怕经历风波。」对于歌词中一句「你再惹我反身击杀如夜叉」，坦言若挑战到她底线就不留情面：「网上嘢我反而好少好嬲，反而喺工作上被误解『有钱女唔挨得』就最㷫，但解释都嘥气，不如用行动引证比说话更重要。」她觉得没有一个人是百毒不侵的：「好幸运我身边有好多人support我，Fred系其中一个，喺工作上佢会帮我，开解我。」她又指其实重提旧事已相当无趣，无必要再评论，现时把精力放在照顾儿子上才是两人的最大责任。
何雁诗更为新歌MV挑战黑丝配泳衣，性感爆灯，问到老公Fred有咩睇法？感情平淡如水的的何雁诗竟大爆：「我冇问佢，佢都冇畀feedback我。」
