张智霖儿子休学与爸爸童年缺失有关？父子档上台认有私心：点解我要多承担呢份压力

TVB台庆剧《璀璨之城》热播中，刚播出一周即掀起话题。张智霖（Chilam）今次在剧中大胆挑战极暗黑角色，并与陈滢及陈晓华有火辣调情戏，破格演出引来网民热烈讨论，令他人气再度急升。在第7集中，张智霖对高海宁施展的「暗黑豪门虚情假意」哲学句句令人心寒，被网民封为「极品渣男」，几乎人人喊打。但在现实生活中，张智霖是一个标准好男人，不单爱做家务，与儿子张慕童（魔童）的相处方法，亦令人刮目相看。

魔童陆军装造型 竟是张智霖游说成果

近日，张智霖接受资深传媒人查小欣的YouTube节目《红查馆》访问。多年来，外界都觉得魔童不单尽得父母的优良真传，外表甚至比爸爸张智霖还要俊俏。对此，张智霖在节目上一脸自豪地说：「如果喺佢呢个年龄，即系佢19岁、我19岁，咁19岁嘅佢的确系靓仔过19岁嘅我。但系19岁嘅佢，亦都未必赢得过55岁嘅我。」谈到魔童的陆军装造型，原来是张智霖游说了很久的成果，而妈咪袁咏仪（靓靓）的反应，更是令人爆笑。

相关阅读：张智霖儿子张慕童神颜再进化？ 跟父再同台颜值神复制父母优点 袁咏仪台下力撑露慈母相

张智霖期望魔童做健康快乐好人

张智霖笑称魔童其实比较似妈咪，性格与外形都偏向柔和：「佢啲发型不嬲都比较长，所以我同佢讲要有啲刚强啲嘅发型，咁样就会啱啱好。有一天佢突然话去剪头发，剪完返嚟妈咪见到吓咗一跳，因为佢好反对。我老婆其实系屈服于习惯性——长头发𠮶时叫佢唔好剪，剪咗之后又话好想佢留长，我谂人好多时都系驯服于自己嘅习惯。」

近日，魔童在张智霖的个人巡回演唱会上，担任结他手为爸爸伴奏。首度登场的魔童表现相当沉沉稳，专注地弹奏著电结他，显得十分专业，其惊喜亮相顿成全场焦点。其后，「向太」陈岚在内地节目中大爆魔童为了专心自学音乐，不惜决定放弃（或暂缓）升读大学。

张智霖对此表示：「其实由佢出世嘅第一天，我哋嘅期望就系希望佢做一个健康快乐嘅好人。我到今日都冇改变我嘅初衷，都系要佢做到健康快乐嘅好人。读书方面要因材施教，我觉得首先要睇下自己系咪读书嘅料子。我唔系一个读书嘅材料，我相信老婆都唔系，应该都差唔多，如果有遗传嘅可能性话。但我自己虽然冇大学学历，但我自己好钟意睇书，好钟意学一些自己想学嘅嘢。我觉得自己可以喺呢个世界入面吸收更多嘅嘢。我会谂好多嘢，但系𠮶啲嘢未必系可以学返嚟嘅，你要自己去体会。因为我自己是一个佛教徒，可能真系觉得每个人本身都已经『具足在内』，不如向内寻找、向内问，入面有好多嘢，未必需要向外求。好多时我都不停同自己反复思考好多嘢。」

相关阅读：袁咏仪自爆为老公频扑做一事竟被「嫌弃」 忧张智霖被质疑「呃钱」插手巡回演唱会

张智霖与袁咏仪相爱逾30年 婚姻提炼出「不试图改变对方」

张智霖和袁咏仪由拍拖到结婚已经逾30年，问到婚姻提炼了甚么东西出来，张智霖说：「唔好去改变任何人。始终冇人系100%完美，包括我自己。如果你夹硬要改变我，我都会唔舒服；等于我要改变你，你都会唔舒服。我觉得要不停磨合大家，磨合久了，之后就变成一体。好似变成一块镜，一个波中间有一块镜互相睇到对方。大家都能够睇到对方嘅缺点——我睇到你嘅缺点，你又睇到我嘅缺点，我嘅优点等于你嘅优点，就系咁样一回事。如果见到对方缺点，都会略略提一下，但好多嘢都系佢自己嘅缘份。佢都有好多优点，我哋唔可以只系话佢呢个缺点会点，佢其他优点都令好多人钟意佢。做人唔需要为任何人改变自己，钟意就钟意，唔钟意就唔钟意。」

后来张智霖亦分享了自己一套教仔方式：「每个人都有天性。当然你有一些好恶劣嘅习惯，你咁样做就会有咁样嘅后果。我尽量提醒你，但我唔会话你『一定唔可以咁做』。譬如，原来你好钟意揸快车，你继续咁样会畀人吊销牌照，我已经讲明咗。但如果你仲要揸快车，你就要自己去承受呢个结果。好多时我觉得，单靠讲系未必有用，尝试去身教、让佢亲历其境会比较好。喺佢真系发生咗呢件事、而又未去到不可挽回嘅情况下，你自己作为家长都要睇住，点样才算『不可挽回』。喺可以挽回嘅情况下，你由得佢去尝试，由得佢去犯错，由得佢自己去知，咁样做真系唔得。」

相关阅读：璀璨之城｜张智霖蔡一智变宿敌 mean爆掟毛巾恶斗chilam 剧情无限反转掀Big Boss揣测热潮

张智霖情感反射：未与儿子谈入行问题

谈到魔童休学一年去见识世界，张智霖坦言：「人好多时都系去补偿自己童年嘅一些缺失，做每一样嘢都系想去补返𠮶幅图画，等自己觉得人生好完整。我都系将呢个情意结，摆咗喺个仔嘅人生道路上。我以前冇嘅（休学见识世界的机会），我以前唔可以咁样。而家我想你可以咁样，或者我想将好嘅嘢畀你，其实等于畀咗自己一个情感反射。我以前都冇入大学，一毕业就开始唱〈现代爱情故事〉喇，所以呢啲可能都系我梦寐以求嘅生活。我畀你嘅时候，我又好似畀返自己，系一个情感反射。」

问到魔童是否想加入娱乐圈，张智霖坦言：「我冇同佢讨论过呢个话题。因为我觉得其实一切都系命运。即系你做任何一个行业，唔系话你想做、或者你条件好好就得。我见到好多条件好好嘅人，亦都未必可以得到一个等同嘅成就，所以我唔会主动叫佢入行或唔好入行。点样去判断呢？佢系钟意音乐嘅，但我都知（呢行唔容易），我都有将自己嘅经验讲畀佢听。我会话呢个系一个『套餐』，唔系只得表面开心、一做就成功、然后世界巡回演出。即系有好多背后嘅嘢，你要去承受。如果你真系要行呢条路，尤其是你而家咁样嘅家庭背景，你可能会承受更多嘅声音。因为我哋以前来自普通家庭，比较容易起步；你（魔童）嘅路会困难好多，无端端大众会攞你同我比较，但其实同我比较啲咩呢？」

相关阅读：璀璨之城丨陈滢全裸「腿张开」收25宗投诉 张智霖自爆全家睇激战陈晓华：外父外母一齐睇

张智霖续说：「我自己唔系星二代，所以我唔知压力有几大。但系可以睇到，你做一件事都有咁多回响，咁多人关注嘅时候，如果系我，我又即刻摆返自己嘅睇法，真系唔容易，点样去调整自己嘅一个谂法，都系一些功课。大家都要学习，过程都在学习，原来会畀人误解，俾予人好多奇怪嘅发挥空间。但都系一种学习。某程度上要知道父母系咩身份，或者父母会带畀佢某一种唔方便。」 至于父子档上阵，张智霖说：「如果我自己一个人出发，好正常咁去，但系同佢一齐时，反而我仲多咗一份操心。我明明就应该要 focus 点样去做一场 show，而家要分多一份精力出嚟睇住，可能听到呢个 chord 你弹错咗。但系你可能要返到酒店，你先可以同佢讲，头先你弹得唔啱。点解我要多承担呢份压力？但亦都系一个好难得嘅机会。系自私嘅做法，想去陪伴佢耐啲。因为细个可能出世到5岁，佢当然好需要你。5到10岁开始返学时，佢开始有朋友。10到15岁又开始有啲青少年嘅成长期。到20岁左右，基本上开始拍拖等等事情，就完全疏离喇。我睇我自己同父母一齐嘅时间，自从入行以后，可能都数得出系几多次。所以我知道将会失去嘅嘢，而家有机会陪伴喺一齐，点解我唔攞多啲时间？」张智霖表示系欣然接受：「呢啲系畀我将来，我自己再老啲嘅时候，再回想返起，我哋曾经一齐做过呢件事。可以吹下水，唔只系咁简单，你读完书之后，已经出去做嘢，或者已经去读大学，我哋冇见，读完大学可能根本就唔会再有机会，好似而家咁亲密，可以一齐并肩做一件事。」