曾志伟谈电视大战 HOY收视突破似「放烟花」：对TVB冇乜影响建议各台策划要长远

更新时间：22:22 2026-11-02 HKT
发布时间：22:22 2026-11-02 HKT

世界华商投资基金会主办的「第十九届世界杰出华人奖」颁奖典礼日前圆满举行，曾志伟获颁「世界杰出华人奖」，并由好友成龙及谭咏麟同台颁奖兼合唱〈朋友〉见证荣耀。他受访时被问及 HOY 处境剧《你的保安李宝安》对打 TVB 处境剧《爱．回家之三代同糖》掀起电视大战，曾志伟坦言近日频密出差未及收看，但得悉对手收视高开，身为 TVB 前总经理的他以过来人经验剖析，指各台节目有突破是好事，但认为做电视节目要长远策划，直言单一节目有好成绩对TVB就如「放烟花」。

曾志伟谈HOY、ViuTV间歇性好收视

曾志伟得悉近日有电视大战，表示乐见其他台有好收视：「其实喺TVB嚟讲呢，其实对佢一部或者一出剧、一个综艺节目有几高嘅收视，对打对佢嚟讲系冇乜太影响嘅，因为系一个恒常做紧嘅嘢呢，我哋形容呢个系放烟花。咁其实如果无论HOY呀、Viu（ViuTV）呀，大家都需要一啲针对性或者各个都应该有一个长远嘅计划，系成年应该点样去策划，喺唔同嘅时段去做一个平衡呢，我觉得系会好啲嘅。如果间唔中爆一出剧，其实赢输一定都会有，咁要（长期）赢好难㗎，但系有一个收视嘅突破呢，呢个系恭喜嘅。」他认为其他电视台节目有好收视，正是代表其实每个台都有人看，只要节目做得好就有人支持，认为大家拍出观众想看的节目才是最重要。

曾志伟论处境剧如电视送饭

面对外界热议《爱．回家之三代同糖》与《你的保安李宝安》两部处境剧，曾志伟从影视创作人初衷出发，直言好节目能让全家人「电视送饭」，更是观众之福：「其实电视节目好睇，一定系观众之福。返到屋企喺饭枱成家人喺𠮶个时间睇到一个好嘅节目，令到大家开心。另外一样就系将资讯、将大家想了解嘅嘢去同大家分享。呢个系观众最想嘅嘢。」曾志伟更强调电视创作肩负社会责任与陪伴成长的意义：「观众其实睇节目除咗娱乐之外，佢更加想有啲嘢落袋，有啲嘢去明白。喺电视剧里面呢，就系成家人齐齐睇嘅，小朋友睇到，点样令到佢收到一啲正能量嘅讯息呢，令到对佢成长有帮助啦，呢啲等等都系我哋做一个电视人应该做嘅。」

曾志伟有意再为TVB拍摄《奖门人》

当被现场传媒问及会否回巢 TVB「打和」及会否为其他电视台拍节目，曾志伟大方回应：「其实我依家一个自由人系冇问题嘅。只要有啱嘅节目，我都希望能够同观众分享。」谈到 TVB 明年即将迎来开台60周年，曾志伟更兴奋预告有意在明年60周年台庆回归王牌综艺节目《超级无敌奖门人》：「一个甲子嚟讲，系唔容易……一个电视台能够做到60年，依然系一个领头羊，一个收视最高嘅电视台。所以系一个值得好好庆祝嘅一件事。我都希望有机会能够返嚟《奖门人》再做一次，无论系做一个13集呀，无论系做一个一个礼拜呀，做一集都好啦，我都希望同支持我嘅观众，再同大家见面！」