蔡天凤碎尸案｜辩方指邝港智愿卖楼 蔡母：我闹佢佢先肯
发布时间：12:25 2026-10-12 HKT
28岁名媛蔡天凤（Abby Choi）2023年2月疑遭杀害后碎尸肢解，蔡天凤前夫邝港智、前家翁邝球、前夫兄长邝港杰被控谋杀及阻止合法埋葬尸体罪。案件续审第14日，蔡母张燕花指邝港智「开头唔同意（卖楼）」，辩方指2022年10月底邝港智曾带邝球到律师楼打算签署授权书，显示邝港智愿意卖楼，张燕花今回应「我闹佢佢先肯嘛」，曾向对方称「你要有诚意，你带你老豆去旺角做个委托书好容易咋嘛」，最后叹谓「讲真，如果佢真系咁有诚意咁我哋今日就唔使喺呢个法庭见喇」。
指邝港智最初不愿卖楼 「我闹佢佢先肯」
代表邝港智的大律师安华晖续盘问张燕花，张燕花交代七人车当时以30多万元出售，海南物业则以300多万元出售，「全部落咗邝球户口⋯⋯兑换店落到来攞现金畀姐姐（蔡天凤）」，卖车所得37万元经邝港智广州友人汇款来港。辩方指出根据张燕花与蔡天凤2022年10月至翌年1月的微信对话纪录，当中提及「畀10万阿骏」，张燕花解释该10万元由谭方骏斥资，故如今抵消。
辩方又引述10月22日张燕花发讯指「我有同Alex讲⋯⋯你一定要委托书，阿萧（音译）先有资格坐埋签咁多嘢嘛」、「他要是有诚意做，他今晚就联络他爸爸，在旺角那里有律师，做出来非常容易」，张燕花今庭上解释邝港智「开头唔同意（卖楼）」，自己再向邝港智称「你要有诚意，你带你老豆去旺角做个委托书好容易咋嘛」。辩方指10月24日邝港智曾带邝球到律师楼，惟因律师意见才没有成事，显示邝港智愿意卖楼，张燕花今回应「我闹佢佢先肯嘛，姐姐叫佢唔睬佢」，又指「几百万你都唔肯攞返来，𠮶啲几千万点算呀？」
相关新闻：蔡母认欠邝港智15万购物钱 惟「15万都收…无良心」
辩方指出邝港智曾向蔡天凤建议搬到屯门黄金海岸一带及扫管笏满名山，张燕花反驳「邝港智系冇可能同细路仔住喺哈罗𠮶度⋯⋯喺边度都唔轮到佢话事」，惟又补充指「我真系听唔到呢啲，佢有咁好死？」
蔡天凤讯息中称呼邝球「臭头子」、「垃圾球」
辩方引述蔡天凤在讯息中曾以「臭头子」称呼邝球，又指邝球及邝港智「相信要来玩嘢㗎喇，这个垃圾球」，然而2日后张燕花却发讯指「我相信会签的」。辩方指张燕花母女2人依赖邝港智说服邝球来取得授权书，张燕花坚称「我叫，Abby叫佢唔听㗎」、「咁我讲话要法庭见，咁佢咪肯啰」，骂道「佢老豆系废㗎，冇权话事你知唔知」，张燕花最后指「讲真，如果佢真系咁有诚意咁我哋今日就唔使喺呢个法庭见喇」。
否认剪裁证供迎合控方：千祈唔好冤枉我
辩方再次指张燕花剪裁证供迎合控方说法，张燕花激动反驳「你千祈唔好冤枉我，我配合警方来调查，咩叫剪裁呀？几百万、三十几万都唔肯，你重未睇得清楚」。辩方指张燕花不清楚邝港智与蔡天凤之间全部沟通内容，张燕花回应「佢沟通我唔知，但我睇到，从一架车海南层楼，几百万佢都唔肯，我知道唔肯」。辩方指海南物业售楼所得转进了邝球银行帐户，张燕花提到「汇返香港系我指定边个户口，佢知道阿女收咗钱㗎」。辩方质疑下，张燕花指加多利山搬迁到屯门一事，「阿女乜都同我讲，我点会唔知道」。
辩方指邝球2023年带女友见孙儿引爆翁熄关系
辩方指出蔡天凤与邝球之间真正重大纠纷在于2023年初孙儿问题，而非海南物业，蔡天凤在内地工作时「揾唔到小朋友」，因而非常愤怒，张燕花指「玩嘢呀嘛，呢一家真系冇良心㗎」。辩方指出张燕花痛恨邝球以致牵连到邝港智，张燕花回应邝球「乜嘢权利都冇呀，Alex叫佢点做就点做，邝球话事咩？」
张燕花指邝家叫小朋友不要听蔡天凤的话，「话妈咪神经病」。辩方指出其后邝球曾带同女友探望孙儿，令蔡天凤更愤怒，张燕花坦言「呢啲我真系唔知道」，又指「呢间屋我个女话（邝球）唔畀入就唔畀入，惊细路仔学坏」。张燕花否认双方因为蔡天凤2023年阻止邝球接触孙儿才起争执，指是因为蔡天凤「想收返啲嘢」。
相关新闻：蔡母从新闻得悉女儿身故 「个脑空晒、食唔落瞓唔著」
邝港杰、邝球、邝港智同被控1项谋杀罪及1项阻止合法埋葬尸体罪。控罪指3人于2023年2月21日，在大埔汀角路龙尾村56B村屋地下内谋杀女子蔡天凤，并在2023年2月21日至23日期间，于同地阻止合法埋葬蔡天凤的尸体。三人否认谋杀罪，邝港杰及邝港智承认阻止合法埋葬尸体罪，邝球则不承认阻止合法埋葬尸体罪。
本案以英语进行，由暂委法官祁彦辉（Brian Keith）审理，控方由外聘资深大律师郭莎乐（Charlotte Draycott）、高级助理刑事检控专员梁育珩、高级检控官林晓敏及吴希乐、检控官尹培轩代表，邝港杰由大律师Trevor Beel代表，邝球由大律师戴伟奥(Oliver Davies)代表，邝港智由大律师安华晖(Andrew Raffell) 代表。
案件编号：HCCC198/2025
法庭记者：陈子豪 黄巧儿
