王菲晒巨钻宣布结婚 获唱片公司太子爷张子丰湖中央下跪求婚劲浪漫：妳是天派来的天使
发布时间：11:33 2026-09-05 HKT
2019港姐亚军王菲与唱片公司太子爷兼歌手张子丰因拍《法言人》挞着，不过两人一直未有公开认爱，张子丰只承认双方正在了解中，王菲盛赞男方有才华。今日（5日）张子丰和王菲在无预警的情况下宣布婚讯。王菲说：「我谂我呢世人应该唔会再遇到一个我咁爱而又咁爱我嘅人，当身边所有人都同我讲『呢个人真系好好』嘅时候，我想讲『系啊我知啊！所以我拣啱咗啦！』往后人生，合作愉快。」
张子丰的求婚仪式相当有仪式感
张子丰的求婚仪式相当有仪式感，当日落前的黄昏时分，张子丰在湖中央小船上向女友跪地求婚，场面极度浪漫，张子丰感性地表示王菲是「天派过嚟嘅天使」：「『余生多多指教』呢啲老土嘢唔讲喇，总之以后我哋两个拍住上，一齐继续进步、继续成长；一齐去探索呢个世界、感受每一分每一秒，精精彩彩咁过埋余下嘅人生。」
相关阅读：王菲与唱片公司太子爷恋得火热 大合照泄蜜关系不言而喻
王菲直认「我拣啱咗啦」
王菲和张子丰今日在无预警下宣布结婚，二人贴上求婚仪式的相片，相中所见，王菲坐在一艘摆有不少鲜花的小船，张子丰则手捧大束鲜红玫瑰坐另一小船驶至，在湖中央下跪并送上戒指求婚，湖畔更有亲朋戚友帮忙拉起「MARRY ME」助威，结果王菲一句我愿意，张子丰成功抱得美人归，事后二人在IG贴上求婚照，王菲更大晒巨钻。 王菲说：「Isaid Yes. 记得刚认识你嘅时候，我就话过你成日懒有仪式感，果然到求婚呢日，都继续贯彻你嘅仪式感，但今次我钟意。白羊座系一个超级三分钟热度嘅人（至少我系）但对住你每日都唔厌 ，想痴住揽住，每当有烦恼唔想理，就会萌生『想两个人一齐逃离宇宙』嘅想法，所有嘢可以好简单好平凡，好似只要两个人一齐就乜都搞得掂，一齐放肆食一餐 一齐睇套好戏，就可以令我哋开心全日。好记得有次聚会我哋有个男性朋友揽住你搞笑地讲『张子丰同我一齐啦！』然后你突然间好严肃地讲『唔得㖞！因为只有同王菲一齐嘅张子丰先系the best version 嘅张子丰！所以我冇可能离开佢！』个下，默默地好感动，我谂我呢世人应该唔会再遇到一个我咁爱而又咁爱我嘅人，当身边所有人都同我讲『呢个人真系好好』嘅时候，我想讲『系啊我知啊！所以我拣啱咗啦！』往后人生，合作愉快。」
张子丰坦言婚礼安排仍在计划中
张子丰亦有撰长文分享感受：「张子丰：妳愿意嫁给我吗？王菲：我愿意。曾经觉得人生好迷茫，但系妳嘅出现，令我知道原来生活系可以好开心、好幸福咁过。然后有一刻，我知道呢个就系我想一齐过一世嘅人。我觉得，一定系个天派咗个天使落嚟畀我。由最初好习惯自己一个人生活，到而家自己一个人瞓会有啲淆底、一个人起身又有啲唔惯。好享受每一次二人世界，每个Weekend揾地方玩、揾地方探索、揾戏睇，要一齐睇晒全世界嘅戏。以前成日有一个唔知屋企系边嘅感觉，而家知道，边度有妳有我，边度就系屋企。『余生多多指教』呢啲老土嘢唔讲喇，总之以后我哋两个拍住上，一齐继续进步、继续成长；一齐去探索呢个世界、感受每一分每一秒，精精彩彩咁过埋余下嘅人生。」张子丰其后接受传媒访问，他表示今次求婚准备了一段时间，过程有点难，原来当日张子丰以拍摄为由，安排女友上船介绍，要扮成日常拍摄实在有点难，加上又担心落雨兼打风，幸好天公造美，天色很好，结果顺利完成。至于婚礼安排，张子丰坦言仍在计划中：「其实我哋好Hea，慢慢倾边度摆好，搞咩类型婚礼好，未系好急，要慢慢享受过程！」
相关阅读：《爱·回家》王菲挞着TVB花旦旧爱？似足女主人贺唱片公司太子爷生日 胸压拍照好亲密
王菲与张子丰生日照泄蜜：
